لقاء كارثي
لقاء كارثي
فضل…. ياسيدي لو حصل ولاقينا في عدد اكيد هنعرف نزود غرف و لو مفيش احنا مع بعض الشباب هنظبطها
حسان….موڤنبيك كبير يا ميدو والغرف فيه كتيره و هيظبطوا الدنيا لو احتاجنا
عسال…..طيب خلاص انا هظبط علي كده
ايمي….طيب كده بالنسبه لحجز الغرف تفاصيل الفرح دي بقي بتاعتك انت في اي حاجه غير دول عايز تتكلم فيها
عسال…..زي ايه مش عارف
ايمي….اي حاجه اللبس مثلا حضاتكم حابين درس كود معين مناسب للبحر ولا عادي براحتنا
عسال….اه فكرتيني صحيح بقولكم ايه انا مش عايز بدل و الجو ده الفرح هيكون علي البحر
حسان…..بضحك هنلبس كاچول
عسال…..بأبتسامه مش عارف براحتكم بس لو حابين تلبسوا بدل متبقاش سوده يعني خليها فاتحه ابيض مثلا حاجه تليق مع الاجواء
ايه….بأبتسامه طب انا عندي اقتراح حلو اوي
عسال….قولي
ايه….يعني ايه رايكم نغير مرتين يعني مره تلبسوا بدل عادي عشان تتصوروا مع بعض و احنا كمان نتصور مع نودي و بعد كده علي اخر النهار شويه نغير و نلبس حاجه اخف شويه الشباب كلها تلبس ابيض قميص و بنطلون و انت تلبس بيبي بلو يا ميدو حتي لما تتصور معاهم هتبقي مختلف عنهم و لما تتصور مع نودي هي ابيض وانت بيبي بلو هيبقي حلو في الصور و طبعا ماشي جدا مع احواء البحر و السماء و احنا نلبس زيك بيبي بلو يعني الشباب تلبس ابيض زي نادين و احنا نلبس زيك
في الصور هتبقي حلوه جدا و احنا مختلفين عن بعض
نعيمه…..حلو ده انا موافقه جدا
عسال….بابتسامه حلوه الفكره انا موافق نودي ايه رايك
ايمي……بابتسامه نودي مقموصه لسه
نادين….بهدوء ابتسمت لا خالص والله تمام موافقه اكيد حلوه الفكره
عسال….بهمس وابتسامه هاديه طيب فكي التكشيره دي
بصتلوا بهدوء و خرجت منها تنهيده و ابتسمت ابتسامه بسيطه
نعيمه……هو انا مش فاهمه حاجه بس حاسه ان الفكره حلوه
ايه…..مش فاهمه ايه
نعيمه….يعني مين هيلبس ايه
ايه……هو بصراحه لو يسيبولي نفسهم و انتوا كمان توافقوا هقولكم افكار تجنن يعني فكره انه علي البحر بجد فكره لازم تاخد حقها
ايمي…حبيتي البحر الوقت يا بومه
ايه….بضحك انا وهو صحاب من بعيد
رشيد….يويو قولي اللي عندك و اعتبري الكل موافق محدش يقدر يعترض
ايه….يالهوي يا ناس ابويا الروحي
ايمي….بضحك اقعد دلع فيها كده خليها تتنطط علينا
