لقاء كارثي

تامر….الوووايوه يا نغم

نغم…..تامر ااا هو انت فين ؟

تامر…..اشمعني

نغم….في حد بيخبط عليا ووو انا عارفه ان البنات متجمعين بشوفك يمكن تكون انت او عمو احمد

تامر…..طيب ما تشوفي مين علي الباب

نغم…..انا خايفه

تامر…..طيب اسالي مين حتي

نغم….مين هيجيلي محدش يعرف البيت غيركم

تامر…..طيب روحي افتحي وانا معاكي بصي من العين السحريه او قولي مين متخافيش

نغم….طيب خليك معايا و النبي

تامر….معاكي

قربت نغم بصت من العين السحريه النور بره كان مقفول زادت ض*ر*بات قلبها اكتر

تامر….هااا

نغم…..بعدت عن الباب و كلمتوا بهمس تامر النور مقفول بره مش شايفه

تامر…..طيب قولي مين او افتحي وانا معاكي

نغم….لا لا مش هفتح

تامر….افتحي متخافيش انا قريب من البيت عندك يعني لو في حاجه هطلعلك روحي افتحي وانا معاكي

نغم….طيب لحظه ااا احمم مين
مين

تامر…..افتحي متخافيش

قربت نغم بهدوء تاني بصت مكانش في نور و لا صوت

نغم…..خليك معايا محدش بيرد

تامر….معاكي

قربت ايدها من الباب خدت نفس و فتحت و اتصدمت لما لقت تامر واقف مبتسم ابتسامه هاديه

نغم……حطت ايدها علي قلبها حرام عليك بجد.

تامر…..بابتسامه جذابه خايفه من ايه مش قولتلك متخافيش محدش يقدر يدخل هنا بسهوله

نغم…..انت متوقعتش انه انت وبعدين انا مصعبتش عليك طيب

تامر…..بضحك لا عشان تتعلمي متبقيش جبانه و متخافيش تاني

نغم…..يعني قافل النور و بترعبني و مش عايزني اخاف

تامر……علي فكره انا مقفلتش حاجه والله و غالبا النور هنا في الدور بس اللي مقفول لان في نور جاي من تحت اهو ممكن فاصل او عايز نور جديد المهم اخبارك ايه

نغم….بأبتسامه زي ما انت شايف اتكتبلي عمر جديد

تامر….بضحكه هاديه طيب الحمد لله

نغم…..اتفضل

تامر….لا انا مش هينفع ادخل انا بس جايبلك دي مد ايده بعلبه شوكولاته ووو كنت هقولك حاجه و همشي

نغم….بابتسامه ميرسي بجد يا تامر بس برضوا هتدخل اكيد مش هينفع نتكلم و انت علي الباب كده

تامر……بابتسامه معلش خليها وقت تانب يكون معايا حد من البنات عشان اكبد مش هينفع ادخل و انتي لوحدك

نغم….بابتسامه طيب ادخل يا تامر من فضلك علي فكره انا كنت قاعده في بيتكم لحد اول امبارح ادخل يلا

بصلها و فضل واقف كأنه بيفكر يدخل ولا لا