لقاء كارثي
لقاء كارثي
احمد…..مليش دعوه مين قالك افطري هتفطري معانا تاني و بعدين هو النسكافيه ده فطار يلا روحي للبنات جوه علي ما اخلص
نغم….بكسوف ااا هستناهم هنا
احمد…..انتي مكسوفه ولا ايه يلا روحي
نغم….طيب تمام اساعدك طيب
احمد….روحي سلمي عليهم وتعالي ساعديني
نغم….بابتسامه ماشي ااا استني ده بن عشانك جيبته امبارح و قولت اجيبهولك انهارده من اللي بتحبه
احمد….تسلم ايدك يا حبيبتي تعبتي نفسك ليه في بن هنا
نغم…..متقولش كده مفيش تعب و عادي خليه زياده يلا هروح اشوف البنات
احمد….ماشي
راحت نغم خبطت علي اوضه ايه و بعدين فتحت
ايه…..نغووووووم قربت منها حضنتها وحشتيني
نغم….بضحك انتي اكتر ايه القمر ده
سلمي….يا صباح الفل
نغم….. بابتسامه اهلاااا لومي
سلمي….وحشتيني اوي حاسه اني بقالي كتير مشوفتكيش يخربيت عقلك
نغم….انتوا اللي وحشتوني والله اوي
شكلكم حلو
سلمي…انتي اللي قمر
ايه……بقولكم ايه ارفع شعري و لا اسيبه
نغم….ارفعيه الجو حر بره
ايه….طيب تمام
سلمي…..ايه اخلصي عشان لسه هنفطر ليله قالت انها قربت هتعدي علي ايمي و امنيه الاول
ايه…..حاضر حاضر بابا بس يخلص الفطار
نغم….طيب كملوا لبس هروح اساعده بسرعه
ايه…طيب انا جايه وراكي
سلمي…..يلا هروح احط الحاجه في الشنطه و جايه اساعدكم انا كمان
ايه….استني يا نغم اعدليلي التيشرت من وراء
نغم…..تعالي كده تمام
ايه….اه روحي يلا جايه وراكي
نغم….اوك خرجت نغم لقت تامر قدامها قفلت الباب علي ايه و بصتلوا وابتسمت صباح الخير
تامر….بابتسامه صباح النور ايه الاخبار
نغم…..تمام الحمد لله
تامر….لسه جايه
نغم…ااا اه لسه حالا
تامر…..عملتي ايه مع استاذ رزق اتصلتي
نغم….بسعاده اه وخدت معاد بكره الساعه 12 هكون هناك
تامر….علي خير ان شاء الله عرفتي العنوان
نغم…..اه عرفت متقلقش
تامر……هتعرفي تروحي ولا اوصلك
نغم….بابتسامه اااا احمم ااا هركب اوبر عادي
تامر…..طيب شوفي كده انا فاضي لو حابه اوصلك هاجي معاكي
نغم…..اوك هبقي اقولك
تامر….تمام
نغم …ااا انا هروح اساعد عمو احمد
تامر…..بابتسامه روحي
مشيت بسرعه نغم علي المطبخ و عشر دقايق كانوا قاعدين كلهم بيفطروا و مبسوطين و بيضحكوا
………………
خرجت نادين من الاوضه مكانتش في المود اوي كانت لابسه چامب سوت
