لقاء كارثي

سلامه…..وانا كمان يا ميدو اوي قلبي فرحان انا لاقيت نفسي قومت جيبت صورنا و اتفرجت عليها حسيت انه يااااه دي ريهام كبرت اوي و احنا كمان كبرنا معاها بس اقولك علي حاجه انا انهارده اتبسطت من قلبي بجد عشان كام موقف يمكن كنت خايف من نزول ريهام و يمكن كنت خايف اوي ان ريهام تتعلق باي حد يقولها كلمه حلوه وتروح معاه و تسلم بس طلعت جدعه

عسال….تربيتنا يلااااا تربيه رجاله لازم تبقي جدعه

سلامه…. بابتسامه عجبني اوي ردها عليه و انها تديه رقم ابوك وتقولوا روح لاخواتي وعجبني ان امك طاعت عارفه كل حاجه

عسال…..دي اكتر حاجه بجد فرقت معايا اتبسطت انها حكت لماما و اتكلمت مع ليله ليله جدعه و صريحه و ميهمهاش ان محمود اخو ايمي هي هتنصح من قلبها بجد

سلامه…دي حقيقه بكره عايز اتصل بابويا واقولوا

عسال…..لما تدي الرد الاخير لمحمود و تعرف هو جاي امته بلغ ابوك عشان يجي

سلامه….ما طبعا هعمل كده لازم يبقي موجود مش عشان محمود ولا اهله عشان ريهام انا مش قادر اتخطي ابدا فرحة نادين بأبوها وامها يا ميدو نظرتها قبل ما يوصلوا حاجه و بعد ما وصلوا حاجه تانيه

عسال…..الاب والام يا سلامه ضهر بتعرف تفرد نفسك عليهم عشان كده انا صممت اجيبهم وقتها و عشان كده لما حسيت بزعلها قدمت الجواز رغم ان طالع عين اهلي بس زعلها ان ابوها ميحضرش مقدرتش عليه

سلامه….بالذات البنت يا ميدو بيفرق معاها وجود اهلها يمكن اكتر مننا

عسال…..دي حقيقه اااا بقولك ايه يلا شيل دولاب الانتيكات اللي في ايدك ده عشان ورانا بكره ليله

سلامه….بضحك اخرس يا عره بتتريق علي الكنز..

عسال…..بضحك دي مقتنيات تاريخيه بقولك ايه و حياة امك خبيها كويس عشان لو وقعت تحت ايد مصطفي والله العظيم لا هيعمل علينا حفله وانت عارف ده مبيعتمدش ولا هيهموا فضيحتنا

سلامه….بضحك ده مش بعيد يعمل علينا حلقه في الحفلات بتاعته اللي هيعملها

عسال….اه والله ده مجنون

سلامه…لا هخبيه متخافش

عسال….ماشي يا عم يلا انا هروح اوضتي اريح شويه مش قادر

سلامه….وانا شويه كده و هنام فصلت تصبح علي خير

عسال…..وانت من اهل الخير يا حبيبي

…………….

في منزل احمد سلمي و ايه و تامر كانوا بياكلوا …

سلمي….بابا مش هتاكل

احمد…لا يا حبيبتي كلوا انتوا بالهنا والشفاء