لقاء كارثي

الرجاله برضوا نفس الوضع دولا وحمودي وحماده و انكل فضل و عشري الكبير احمد جوز اميمه وسامح و وليد اخويا كل دول هتلاقيهم مع بعض بيتكلموا سهرانين مبسوطين فا عادي نعمل ڤايبس مختلفه الستات الكبيره مع بعض الرجاله مع بعض اللي حابب فيهم يقعد مع مراته اوك لو حسبت انك هنحط كل راجل مع مراته من اللي قولتهم دول هيطلعوا تسع غرف عشري و امونه جوجو وفضل كده غرفتين نوجا وعادل زوزو وحماده اميمه و احمد خمس غرف قمر و سامح وليد ومها كده سبعه فاضل حمودي و حنون هنقول ليهم غرفتين و تامر مع حمودي و ريهام مع حنون ادي كده معاك صافي تسع غرف بس اصلا تامر مش هيسيب الشباب و يقعد مع ابوه وريهام مش هتسيب البنات وتقعد مع امها بس برضوا اهو معاك اول تسع غرف خليني بقي ازودهم واقولك لا معاك 15 غرفه عشان مامت رشيد و بباه و مامت حسان وبباه و خال نادين و مراته كده 12 غرفه هنزود كمان غرفه لمامت نادين و غرفه لبباها 14 غرفه و معاك واحده زياده ..

احنا بقي الشباب علي البنات لو كل اتنين قعدوا في غرفه يعني نعدهم مع بعض عشري البنات عندكم قد ايه

عشري…..حريم اخواتي من غيرك اربعه سليم و عدي لسه متجوزوش

ليله….تمام اربعه و معاهم رهف خمسه وانت يا فضل

فضل….برضوا اربعه رحيم لسه متجوزش برضوا واصلا مش عارف الكل هيجي ولا لا

عسال…..لا هيجوا طبعا متهرجش

ليله….ياسيدي هنحسب ان الكل جاي كده تسع بنات نقول عندهم ياسيدي 12 بنحسب زياده و احنا خمس بنات من غير نادين في امنيه نسمه تقي و نغم كمان وچوي خلينا نقول كلنا 25 بنت و انتوا زينا 25 شاب يعني كلنا خمسين لو قولنا كل اتنين في اوضه يعني 25 غرفه و معانا في الاول 15 ادي 35 غرفه

حسان….اهي جابتهالك بالظبط

ليله…استني في كمان هنقول معارف معازيم صحاب اياً كان هنقول هتعجز علي 35 غرفه عشرين كمان يعني 55 غرفه لا با سيدي احجز ستين مش 100 ولا الفندق كله زي ما انت عايز و في الاخر هفكرك هتلاقي كل البنات و كل الشباب علي بعض في اوضتين تلاته

سلامه….بصراحه ليله ظبطتها 60 غرفه كويس اوي و اتحلت اهي

ايمي….. بابتسامه كفك يا بت

ضحكت ليله و مدتلها ايدها

عشري….مرضي ياعم

عسال….بابتسامه تمام طيب ازود اخليهم سبعين

نعيمه…..لا كده حلو اوي يا ميدو بيتهيألي ليله حسبت بزياده