لقاء كارثي

نغم…..ادخل يا تامر عشان بجد هزعل منك

ابتسم بهدوء و هز راسه و بعدين دخل قفلت الباب و دخلت

نغم….ااا تحب تقعد هنا ولا تدخل الروف

تامر…..ااا لو مش برد عليكي الروف تمام

نغم…..لا تمام تعالي

سحبت شباك كبير و دخلت علي الروف و هو دخل معاها كان في قاعده جميله كده علي الجنب

نغم….اتفضل

تامر…..شكراً

نغم….ااا تشرب ايه بقي

تامر…..لا تعالي اقعدي انا مش هشرب انا هقولك حاجه و همشي علي طول

نغم…..لا هتشرب يعني دي اول مره تزورني في البيت و بعدين هسمعك بس لما تقولي تشرب ايه

تامر…..طيب اي حاجه

نغم…..اعملك قهوه و لا نسكافيه ولا عصير

تامر…..طيب ينفع قهوه

نغم…. بابتسامه اكيد ينفع مش هتأخر عليك

تامر…..علي مهلك.

دخلت نغم و سابته راحت بسرعه حطت القهوه علي النار و طلعت فنجان و صنيه و حطت كوبايه مايه

كانت متوتره شويه و مبتسمه غابت عنه حوالي خمس دقايق و بعدين دخلت تانب بالصنيه حطتها قدامه

تامر…..شكراً

نغم….العفو

تامر….هو ممكن بس طفايه و لا مفيش

بصتلوا بصدمه و شردت ثواني و بعدين هزت راسها بلأ

تامر…..بضحكه هاديه ايه مفيش

نغم….اااا لا نسيت الطفايه خالص امبارح روحت انا و نعيمه السوبر ماركت جيبنا حجات و جيبت الفنجاين دي و شويه حجات بس نسيت خالص الطفايه

تامر…….طيب ولا يهمك خلاص اقعدي

نغم….ااا طيب اشرب عادي بص طفي هنا في الصنيه عادي و هتتغسل يعني وانا هبقي اجيب

تامر…..بابتسامه طيب خلاص انا هتصرف بصي طبق الفنجان ده انا مليش فيه خالص

نغم….تمام طفي فيه

شال تامر الفنجان و مسك كوبايه المايه نزل منها كام نقطه في الطبق و بعدين ولع سيجاره و بصلها كانت بصاله باستغراب

تامر….واقفه ليه اقعدي

نغم…..هو انت بتحط مايه في الطبق ليه مش قولت هتطفي فيه

تامر….. بضحك اه بس عشان اما اطفي السجاير متطيرش الطافيه علي الارض تنزل علي المايه علي طول

نغم….ااااه انا مجاش في بالي كده خالص

تامر…. بابتسامه طيب اقعدي

قعدت نغم قدامه بهدوء كانت لابسه بنطلون و تيشرت بنص كم

تامر….اخبارك ايه يا نغم

نغم….بخير الحمد لله

تامر….واخبار البيت الجديد معاكي ايه مبسوطه

نغم….بأبتسامه الحمد لله مبسوطه بس لسه مستغربه المكان شويه

تامر…..لسه متعودتيش

نغم….اه لسه بس هتعود اكيد

تامر…..في اي حاجه نقصاكي او محتجاها