لقاء كارثي

بقول كل مره يشوفوا واحد مجنون في الشارع لازم يحصل معاه موقف يرعبهم الفكره هنا تركيزهم مع المجنون و خوفهم منه من غير ما حتي هو يركز معاهم بيلفتوا انتباهه ليهم و بيركز معاهم و بيحصل اللي كانوا خايفين منه..

من الاخر اي حاجه بتخافي منها يا نغم كل ما هتركزي فيها هتفضل مخوفاكي مخلياكي مش عارفه تعيشي حياتك طبيعي لدرجه انك لو خايفه من اشخاص معينه و هما فعلا بيحاولوا يخوفوكي خوفك مش هيخليكي تعرفي تتصرفي هتبقي زي الفريسه اللي صيدها سهل.

في حجات كتير اوي بتخوفنا يا نغم بس مينفعش نستسلم ليها عشان هتخلينا خايفين طول حياتنا عيشي حياتك خدي حرصك مش بس من هاني ولا مريم ولا اي حد كان بيحاول يأذيكي انتي خدي حرصك من اي حد عموما بس الحرص ده ميبقاش خوف يبوظ حياتك

مينفعش تسمعي صوت الجرس تخافي مينفعش النور يقطع ترعبي نفسك مينفعش تحسسي نفسك انك طول الوقت مهدده جايز اللي عيشتيه صعب و صعب اوي بس لو انتي مش قويه يا نغم مكنتيش هتبقي قاعده قدامي الوقت صح ولا ايه

نغم….بابتسامه صح

تامر…..بس كده ادام انتي قاعده و كويسه و بخير يبقي انتي قويه و تقدري تكملي و تقدري تشوفي حياتك اللي حصل معاكي ده درس من ضمن دروس كتير بنتعلمها لو وقفتي عند الدرس ده مش هتقدري تتعلمي الدرس اللي بعده لازم تتخطيه و تفهمي اوي اللي اتعلمتيه منه قبل ما تتخطيه كمان عشان لما تروحي الدرس اللي بعده تبقي اقوي

انا مش عايزك تخافي تاني من اي حاجه انتي هنا في امان يا نغم كويس انك اتصلتي عليا و عرفتي تفكري و خوفك مسيطرش اوي عليكي بس كمان انا مش عايزك تخافي خالص انا جنبك و كلنا معاكي و انتي اصلا قويه و مش محتاجه اي حد انتي بس محتاجه خوفك ميسيطرش عليكي تمام يا نغم

نغم…..بابتسامه تمام

تامر…..بتنهيده تمام خليني بقي اتكلم معاكي في اللي جاي عشانه

نغم….تمام قول

تامر…..بصي هو انا شكلي كده يعني تقريباً جايبلك شغل

نغم….بضحكه عبيطه انت مش عارف انت عملت ايه بالظبط و بعدين شغل ايه انا بشتغل

ابتسم تامر علي ضحكتها

تامر…..بضحك سيبك من الشغل الوقت استني بس اظبط الجمله اللي قولتها عشان حسيت اني عبيط اوي وانت ضحكتي

ضحكت تاني من قلبها و هو فضل يضحك

نغم….بضحك انا مقصدش اضحك عليك والله بس مفهمتش الجمله

تامر…بضحك طيب هفهمهالك تاني