لقاء كارثي
لقاء كارثي
ايه….وانت من اهله يا تيمو
……………….
في صباح يوم جديد
ليله….عشري حبيبي
عشري…..اممم
ليله….يلا يا روحي اصحي
عشري…..الساعه كام
ليله….12 يلا قوم بقي
عشري…..صباح النور يا قلبي
ليله…..صباح الفل انا هروح اجهز الفطار تكون قومت و دخلت التويلت
عشري…..حاضر
خرجت ليله وقفت تجهز الفطار و قام عشري من السرير دخل التويلت
بعد حوالي نص ساعه كان خارج ولابس هي كانت واقفه قدام الشباك في ايدها سيجاره قرب منها حضنها من ضهرها وباسها من خدها
عشري….هلا حياتي
بصتلوا وابتسمت
ليله…..هلا جلبي ايه القمر ده
عشري…..انتي اللي قمر انتي هتنزلي كده
ليله…..ايه في حاجه
عشري…..لا بس انا حاسس انك خففتي هدومك اوي هتبردي
ليله…لا هاخد چاكت معايا بس الوقت بيبقي حر خالص
عشري…..طيب هاتي بقي السيجاره دي و تعالي يلا افطري
ليله…..ماشي
راحوا مع بعض يفطروا
عشري…..وراكي اي مشوار مع البنات انهارده
ليله…..جيبنا كل حاجه خلاص بس مش عارفه بقي هيروحوا يجيبوا الفساتين امته
عشري…..جيبي الفستان اللي هتحضري بيه فرح محمود بالمره
ليله….اكيد ده اول واحد عايزه اجيبه اصلا بس لسه هشوف بقي هيعملوا ايه
عشري…..ماشي بقولك صحيح انتي عرفتي ان فرح محمود عامله منفصل
ليله….اه امونه قالتلي بس مش فاهمه اوي
عشري…..قاعتين قاعه للرچال و قاعه للحريم
ليله…طيب ليه عامل كده
عشري…هو دماغه كده عايز يعمل فرح علي الطريقه البدويه اصلا افراحنا بتتعمل كده العريس بيكون لحاله مع ربعه و العروسه بتكون لحالها بس في نفس المكان يعني
ليله….بابتسامه انت اللي خرجت عن المألوف يعني
عشري…..لا والله حتي علي و عمر و سليمان افراحهم كانت زي فرحنا مختلط بس محمود ليه دماغ و من زمان حابب يعمل الفرح كده
ليله….بابتسامه احسن برضوا عشان البس براحتي
عشري….بابتسامه رفع حاجبه مش براحتك اوي يعني
ليله….ليه مش بتقول مش هيبقي في رجاله
عشري….اه بس انا بغير علي فكره من اي حد
ليله….بصحك بتغير عليا من الستات
عشري…..من اي عين تبص عليكي
ليله…..بأبتسامه ماشي يا بلطجي بس برضوا هلبس براحتي
عشري….بابتسامه طب افطري يلا و شوفي هتعملي ايه و عرفيني
ليله….حاضر
…………………
سلامه…..مش فاهم انت عايز ايه عالصبح
