لقاء كارثي

سلمي….بضحك حتي انا علي فكره

فضل….كمان كذا موقف القطه في تغيير انا عارف ان نعيمه بتخاف من الحيوانات و قلبها طيب مش قاسيه بس لو كانت الاول تشوف حيوان مستحيل تساعده لانها عندها عذر بس خوفها علي القطه لا في تغيير فظيع ده غير بقي انها بتتعلم الاكل بصي هو مواقف كتير بجد

حسان…..مش عشان نوني قاعده بس نوني طيبه وطيبه اوي كمان هي بس كانت محتاجه تفصل احيانا اي حد فينا ممكن طباعه تتغير بسبب اي ضغط في حياته فا بينعكس علي ردود افعاله اكن لو هو اصله طيب بيفضل اصله طيب و نوني طيبه و جدعه

نعيمه…..حبيبي يا حسان انا بجد مبسوطه اوي اني بسمع منكم الكلام ده و مضايقه في نفس الوقت اني كنت رخمه معاكم بس والله العظيم بحبكم اوي و حقكم عليا لو بجد زعلتكم

سلمي…..منقدرش نزعل منك احنا بنحبك

حسان……محدش زعلان يا نوني زي ما سلمي قالت كلنا بنحبك و بنحبك اوي كمان

نعيمه….طيب بالمناسبه دي خليني اعترفلك اعتراف يا حسان قامت من حضن فضل و بصتلوا

حسان….اعتراف ليا انا

نعيمه….بضحكه هاديه اه بصراحه و من غير ما تزعل مني انا كنت بحبك و بحترمك و كل حاجه بس انت اكتر حد كنت بحسه بعيد عني شويه و يمكن اقل حب من الشباب يعني لو كنت تسألني في الاول مين اقربلك من الشباب عيداً عن فضل طبعا بتكلم عليكم انتوا الخمسه كنت هقولك كلهم معادا انت ضحكت وحطت ايدها علي وشها

فضل….بضحك صراحه صراحه يعني

حسان….بضحك طب ليه طيب

نعيمه….مش عارفه بس كنت بحس انك اكتر حد مش راكب معايا يعني كنت بحسك عاقل زياده عن اللزوم بحسك تقيل عنهم بحس دمك تقيل بحسك مش خفيف كده زي الشباب يعني سلامه و ميدو وعشري و رشيد بحبهم جدا قد بعض بس انت كنت ابعد حد عن الكيميا بتاعتي

حسان….بضحك طب كفايه كده طحن الخواطر ده

سلمي….بضحك ده جميل يا نوني

نعيمه….بضحك اوي والله و بحبه جدا بس ده كان الاول والله مش الوقت يعني حتي هو اقل حد كان ممكن اتكلم معاه

حسان….بايتسامه طب علي فكره بقي انا عارف

نعيمه….بجد

حسان…..والله العظيم عارف و من الاول خالص ان انا مش خفيف علي قلبك و يمكن في اوقات كنت بحاول اني اتلاشي الكلام معاكي لاكتر من سبب و يمكن سلمي اول مره هتسمع مني الكلتم ده انا عمري ما قولتلها كده لاني عارف هي بتحبك قد ايه و ممكن تزعل مني عشانك اولا انتي طريقتك بالنسبالي كانت مش الطف حاجه بمعني زي ما البنات كانوا بيقولوا عنك ديما انك دبش و كمان ليكي ردود كده مكنتش بحبها اسلوبك اوقات كنت بحس فيه بعدم تقدير و انا شخص يا نعيمه بجب احترم نفسي لابعد حد ممكن تتخيليه اولا انا مش صغير ثانيا بحب احافظ علي اسلوب الحوار اللي بيني و بين اي شخص تاني