لقاء كارثي

نادين….طيب بلاش تسافر مش عايزه انا فرح في السخنه او علي البحر خليك هنا

عسال…..بابتسامه انا عايز و خلاص قررت

نادين….هو ايه اللي قررت و بعدين مره واحده كده قررت تسافر بعد كام ساعه

عسال…..خالص والله كل الحكايه ان حسان و سلامه اتفقوا علي معاد كتب الكتاب و حددوا المعاد فا مش هيبقي قدامي وقت

ايمي…..طيب انتي ايه مشكلتك في سفره ؟

نادين…..اني بعرف الوقت حالا و انه بيقول كام ساعه و هيسافر يعني ياريته بيقول بكره و انا مش عيزاه يسافر اصلا

ايمي….ماهو مسافر عشان يلحق يخلص يا نودي

ايه…..بت في ايه انتي اوڤر كده ليه ما هو مسافر عشانك اصلا

ليله….استني يا ايه نودي في ايه يا قلبي هو قال يومين واصلا اليومين دول انتي هتبقي مشغوله معانا علي ماهو يخلص اللي وراه انتي كمان تبقي خلصتي من فستانك و حاجتك و قعدنا مع بعض ظبطنا كل حاجه ليكي و للبنات

عشري….انتي مش هتلاقي وقت اصلا يا نودي يعني هو لو قاعد هنا مش هتبقي فضياله ولا هو فاضيلك كل واحد فيكم بيخلص اللي وراه

نادين…..هو انا مقولتش يفضالي او يسيب اللي وراه و يقعد جنبي

عشري…..بضحكه جميله طب انتي عايزه ايه

رشيد…..بضحك طفله

عشري…..بضحك بم*و*ت فيها والله و هي مقموصه كده عايزه ايه يا نودي ايه اللي مزعلك انك عرفتي الوقت يعني

نادين…..ايوه طبعا وانه مسافر اصلا

عسال…..يا حبيبي والله العظيم موضوع السفر مكانش في بالي اصلا احنا انهارده بس اقترحنا موضوع السخنه انا كان في بالي ترتيبات كتير قبل ما نقرر ان فرحنا يبقي بعدهم كده علي طول وكل ده اتغير لما بابا قالك مش هيقدر ينزل غير في المعاد ده و مصدقت حوار السخنه مكانش في بالي بس خلاص مفيش وقت لازم اتحرك عشان اعرف كمان ايه الايام اللي هتكون متاحه للحجز

نادين….طيب خلاص انا بقولك مش عايزه الفرح هناك خليه هنا و متسافرش

عسال….. بابتسامه لا هسافر و انا قررت خلاص و الفرح هيكون هنا

نادين…تمام هاجي معاك

سلامه…..خلاص خدها يا ميدو متزعلهاش

عسال…..لا مش هينفع

نادين….هو اي لا وخلاص

عسال….نادين انتي وراكي حجات لازم تخلصيها مع البنات

نعيمه….نودي احنا متفقين ننزل بكره عشان نلحق

نادين…..لا مش مهم انا لما ارجع هعرف اخلص بسرعه

ايمي….انتي با بت هبله تخلصي ايه ولا ايه فساتين الافراح دي كلها و لا تجهزي لسفرك و لا تشوفي مين هيعملك ميك اب و لا نفرش الشقه ولا تجهزي ايه بالظبط