لقاء كارثي

عشري….لاقولي اوعي تكون مكانتش عندك وانتي بتشتغليني

ليله…..بضحك سندت راسها علي دقنه وبعدين بصتلوا اديني الامان الاول يا بلطجي

عشري…..يبقي انا صح قولي ده انتي ليلتك سوده

ليله……بضحك ايديني الامان الاول

عشري…..بضحك ماشي عليكي الامان يا ست البنات

ليله…..هو يعني بصراحه هي جاتلي يوم ما رقبتي وجعتني من كام يوم بس اول مره تقعد يوم واحد بس معرفش ليه بس بصراحه انا عشان كنت تعبانه ضحكت عليك وقولتلك انها لسه موجوده

عشري……بضحك نهار امك اسود يا بنت المارديني بتغفليني يا بت

ليله…..بضحك انا اعترفت اهو وبعدين انت اديتني الامان

عشري…..امان ايه ده انا هنفخك وهخلب صوتك يسمع القاهره بضواحيها انهارده

ليله…….بضحك لا مليش في العنف يا بلطجي

عشري…..انتي لسه شوفتي عنف يا مرحب بيكي ف حلبة المصارعه انهارده

ليله…..بضحك طب شوف مين بقي هيروح معاك يا ابن امونه

عشري…..بتضحكي عليا

ليله…..بضحك والله مش كده بس انا معرفش انها هتقعد يوم واحد لانها محصلتش قبل كده و اصلا المره اللي قبلها كان بقالها 11 يوم هي مش مظبوطه وبعدين قولت اكيد هتفضل موجوده مفضلتش وانا بقي مرضتش اعرفك رقبتي كانت وجعاني و كنت بنزل الشغل وبنزل مع البنات وبرجع مش قادره فا ضحكت عليك

عشري……وديني ما هرحمك

ليله….بضحك ايه نظره التهديد دي ههون عليك يا بلطجي

عشري…..اه هتهوني مش كنت بهون عليكي انام من غير منوم

ليله…..طب سماح المرادي

عشري….سماح ماتت محروقه

ضحكت ليله من قلبها

عشري….بضحك طيب بقولك ايه ما نروح للدكتوره عشان تعرفي هي ليه مش مظبوطه احسن تكوني تعبانه

ليله…..لا مش تعبانه بس يعني انا بسمع ان بعد الجواز الهرمونات بتتغير و هي مواعيدها بتتلغبط شويه لحد ما تظبط تاني غير المجهود و الارهاق عادي يعني اوقات قبل الجواز ممكن كانت تيجي مرتين في الشهر واوقات تقعد شهرين تلاته مش مظبوطه حسب المجهود اللي بعملوا المهم يعني اني كويسه متقلقش

عشري……بابتسامه طب ايه اتكلت علي الله يعني

ليله….قربت اوي من وشه بنظره جريئه و تجنن لمت هدومها و مشيت

عشري بسعاده ابتسم و بص علي شفايفها اللي ضاغطه عليها بسنانها بكل مياعه

عشري…. يعني فيها منوم انهارده

ليله…..ابتسمت و غمزتلوا دي فيها اوڤردوز يا بلطجي