لقاء كارثي

نادين…..اوك

بصلها و هو مضايق و خد نفس طويل

عسال…..تعالي ندخل يلا الجو برد عليكي

نادين……لا انا تمام

عسال…..مش هتدخلي يعني

نادين…..الوقت هدخل

عسال……اوك يا نادين براحتك خالص

دخل وسابها واقفه لمحته ليله خارج بيشرب السيجاره و باين عليه انه مضايق وهي مخرجتش معاه

ليله…..بقولك ايه استني رجعالك تاني

عشري…..اقعدي هنا متسيبنيش بعد اللي عملتيه فيا ده

ليله…بضحك همستلوا رجعالك بقولك هروح اشوف نودي شكلها كده هي و ميدو زعلانين

عشري….طيب روحي

قامت ليله و راحت علي البلكونه
قربت منها وباستها من خدها

ليله…..الصغنن واقف لوحده ليه

نادين….بابتسامه لا عادي كنت واقفه شويه وهدخل

ليله…..مزعله ميدو ليه خارج شكله مضايق

نادين…..انا مجتش جنبه هو اصلا اللي مزعلني وانتي شوفتي بنفسك

ليله….لا هو لو علي شوفت بنفسي فا بصراحه هو معملش حاجه

نادين ….هو ايه اللي معملش حاجه يا ليله

ليله…اه معملش قوليلي كده ايه اللي حصل منه يمكن انا مش واخده بالي

نادين….ليله ميدو من الساعه خمسه تقريبا وهو خلاص واخد قرار انه هيعمل الفرح في السخنه و عرف من سلامه و حسان انهم هيكتبوا الكتاب كمان ثلاث ايام يعني اكيد خد القرار
انه لازم يسافر و انا كلمته كذا مره طول اليوم بكلموا اصلا ولا مره افتكر يقولي يعني قالي كل حاجه الا قرار سفره جاي الوقت يفاجئني بيه

ليله….طيب يمكن عشان عارف انه جاي كان حابب يقولك في وشك عادي يعني بتحصل

نادين…لا انا عارفه ميدو كويس هو مش عايز باخدني معاه و محبش يقولي عشان معملش حسابي و لا اروح معاه

ليله…..ماهو مرواحك معاه ملهوش اي لزوم اولا تعب عليكي و مجهود و هو اكيد حابب يروح ينجز و يطلع و ينزل براحته ميبقاش شايل همك او مربوط بيكي و في نفس الوقت انتي وراكي هنا حجات قد كده لازم تخلصيها انا لو مكانك حتي لو عشري قالي تعالي معايا هقولوا مش وقتك انا محتاجه انجز انا كمان

نادين….يعني انا هروح اعطلوا

ليله….مش تعطليه بس اكيد مش هيسيبك وينزل و لا هيستني تصحي او تلبسي او تاخدي شاور و ميدو موسوس هيخاف يسيبك لوحدك وده راجل والرجاله بتحب تنجز مش بيحبوا يستنوا كتير و احنا يومنا بسنه

نادين….انا مش هعمل كل ده ولا هعطلوا و بعدين هما قالولوا خدها معاك برضوا قال لا