لقاء كارثي
لقاء كارثي
مسحت نادين دموعها وراحت معاها
دقايق و لمحوهم واقفين مع بعض تحت كلهم.
سلامه….في ايه كل ده
ليله….شكلها بتعيط تاني صح
عسال…..اه لولي بالله عليكي متخليهاش تروح بكره و خلي بالك منها
ليله….مش هتر ح متقلقش
ايه….هي بتعيط بجد.
عسال….اه والله عماله تعيط
عشري…..يا اخي انت رخم رخامه ما كنت خدتها معاك يا بارد
عسال….يا ابني مش هينفع ليه تروح و تتعب و بعدين هي وراها حجات تتعمل
ايمي….بقولك ايه متشغلش بالك احنا هنفكها هي بس عشان لسه الموضوع في الاول
عسال….تمام يا ايمي
رشيد….سوق علي معلك يا ميدو و هلي بالك من الطريق
عسال…ربنا يستر
حسان….متسرعش يا ميدو محدش بيجري وراك و ياريت تستني بس النهار يطلع شويه
عشري….اه يا ميدو الدنيا ضلمه خالص و انت لوحدك عالطريق
عسال….متخافوش والله يلا خدوا بالكم من بعض و من نودي
سلموا كلهم عليهم و بعدين ركبوا واتحركوا
………………
بعد حوالي ساعتين نزل ميدو من البيت بعد ما سلم علي امه واخواته
ركب العربيه واتحرك و اتصل علي نادين
نادين….الووو
عسال…..بنوتي القمر انا قولت اشوف نمتي ولا لا
نادين…..لا منمتش طبعا مستنياك
عسال…..طيب انا لسه متحرك حالا اهو من تحت البيت عايز القمر بتاعي بقي يروق عشان اعرف اسافر و مبقاش مضايق ممكن
نادين….حاضر انا كويسه والله انت بس خلي بالك من الطريق عشان خاطري يا ميدو ولو بتحبني سوق علي مهلك
عسال….حاضر والله هسوق علي مهلي متقلقيش ممكن بقي القمر ينام
نادين….لا لما توصل
عسال…..لا لما اوصل ايه بس انا لسه قدامي وقت يا عمري مش هينفع نامي وارتاحي
نادين….لا مش عايزه والله
عسال…..طيب اسمعي اتصل عليكي ڤديو اكلمك شويه لحد ما تنامي ولا نوني معاكي
نادين….لا اتصل هي بتكلم فضل
عسال….اوك هتصل و نامي وانتي معايا اوك
نادين…..طيب اوك
قفل ميدو و اتصل عليها وثبت الموبايل قدامه بصلها وابتسم بحب
عسال….ينفع القمر ده يبقي شكلوا زعلان كده
نادين…. بابتسامه لا خلاص مش زعلانه بس ركز علي الطريق
عسال….حاضر هركز خليكي معايا بس هحط بنزين
نادين….اوك
……………
علي الساعه خمسه دخلت نعيمه بعد ما قفلت مع فضل تشوف نادين لاقتها نايمه و سانده الموبايل علي مخده قدامها
مسكت نعيمه الموبايل لقت عسال قدامها و سايق
