لقاء كارثي

تامر….طيب الحمد لله انك مبسوطه بصي هو الراجل اللي كان معايا ده صاحبه رىيس التحرير يعني معاكي واسطه حلوه علي فكره هو كلمه كمان وهو معايا وقالوا اديها رقمي و خليها تاخد معاد و تبلغهم بس اسمها و تقول انها من طرفك وانا هبلعهم يدوها معاد علي طول يعني تقدري تعتبري نفسك اشتغلتي بس انك تتثبتي بقي دي بتاعتك انتي يعني مجهودك و شغلك هما اللي هيثبتوا اذا كنتي صحفيه شاطره ولا لا

نغم…..بابتسامه تمام

تامر…..اوعي تكسفيني بقي مع الراجل

نغم…. بضحكه سعاده متقلقش هرفع راسك والله

تامر….و انا واثق كلميهم بكره بقي علي طول اول ما تصحي و شوفي كده

نغم….طيب هعمل كده بس يعني وشغلي اعمل فيه ايه انا مش عايزه اسيب الشغل مش عشان حاجه بس مش عايزه البنات يزعلوا او يفكروا ان لما جالي فرصه احسن سيبتهم كمان انا والله حبيت الشغل معاهم جدا و هما عملوا معايا حجات حلوه كتير مش عايزه اسيبهم بالشكل ده و مره واحده

تامر……بصي اولا نادين و البنات عموما مش من الناس اللي ممكن تقول كده او تضايق بالعكس هيفرحولك اوي و من قلبهم كمان و هيشجعوكي بس مين قال سيبي الشغل خليكي معاهم و ظبطي وقتك اكتر اشتغلي معاهم واشتغلي في شغلك اللي بتحبيه ظبطوها مع بعض يعني ماشاء الله نادين والبنات بيشتغلوا اكتر من شغلانه و عندهم اكتر من بيزنس و عارفين يشيلوا بعض اعملي زيهم و قسموا الشغل عليكم و انتي لسه متثبتيش يعني تقدري تتابعي شغلك هنا وهنا و لما تبقي تتثبتي والشغل يكتر عليكي وقتها يبقي ربنا يحلها و هما هيقدروا ده جدا يعني سلمي و ايمي المطعم بتاعهم اينعم البنات شركاء معاهم بس سلمي وايمي ده كان حلمهم و هما اللي كانوا مسؤولين عليه اكتر شغل سلمي في العياده مع الوقت كان بيزيد و بقت تروح كل فين وفين وقت اجازه وقت مفيش شغل كتير وايمي مكانتش بيفرق معاها و كانت شايله الشغل عنها خالص اللي عايز اقولوا ان البنات بيعرفوا يشيلوا بعض انتي بس ابدأي و سيبي الباقي علي الوقت و بعدين ده حلمك و مجال دراستك اوعي تفرطي فيه

نغم…..تامر انا مش عارفه اقولك ايه انت طول الوقت بتعمل معايا حجات كتير و جمايلك عليا مبقاش ليها حدود

تامر……بصي انا مليش جمايل عليكي و معملتش معاكي حاجه تستاهل الكلام ده كله انا كل الحكايه جيبتلك رقم لشخص انتي اللي هتتواصلي معاه و شطارتك انتي اللي هتخليكي يا اما تكملي او تقعدي يعني الباقي بتاعك عادي جدا احنا كلنا في حياة بعض مجرد نورد بسيط بنفتحه لبعض انا بتعامل مع عميل بيعجبوا شغلي فا بيقول لحد تاني تبعه ان تامر شغله حلو فا الحد التاني بيتواصل معايا و بروح اشتغل معاه اكيد اللي قالوا عني خدمني في انه نورلي طريق جديد امشي فيه قبل ما اسيب الشغل معاه و اسلموا فا بفتح طريق جديد مع شخص تاني جديد و هكذا العجله بتمشي احنا بنفتح طرق لبعض بس الاجتهاد بيكون شخصي و ده اللي عملتوا فتحتلك طريق بس مقدرش اساعد في اكتر من كده الباقي بتاعك انتي يعني لا في داعي للشكر و لا في بينا اي جمايل يعني انتي ممكن تشتغلي في المكان ده و يجي عليهم فتره حابين يعملوا تظبيط و شويه شغل في المكان فا تقوليلهم انا اعرف مهندس شاطر و انا اجي اشتغل وتبقي ردتيهالي تمام يا ستي