لقاء كارثي
لقاء كارثي
نغم….لا خالص والله كله تمام انتوا كويسين
تامر…..تمام بابا زعلان عشانك اوي اتعود عليكي شكله
نغم….بابتسامه تأثر لما كلمتوا صوته مكانش حلو و زعلان
تامر….بابا لما بيحب حد اوي بيتأثر لو بعد عنه و هو حبك واتعود علي وجودك
نغم…..انا كمان والله العظيم بس غصب عني ااا بس يعني هروحلوا انا كنت بفكر بكره اعدي عليه لان سلمي و ايه قالولي بكره هنزل معاهم اشوف الفستان بتاع فرحهم فا ممكن اعدي عليهم بدري شويه عشان اشوفوا
تامر…..اعملي كده هيتبسط اوي حتي البنات علي فكره زعلانين عشان انتي مشيتي جدا اينعم هما مشغولين بجوازهم و الفرح و التحضيرات بس انا عارفهم كويس
نغم…. بابتسامه عارفه والله انا اتعودت عليهم اوي و اصلا القاعده من غيرهم وحشه جدا برجع من الشغل بحس ان معنديش حاجه اعملها و اليوم طويل كنت بتسلي كتير مع ايه ونقعد نرغي قبل ما ننام و انا وسلمي علي طول مع بعض في المطبخ
تامر…..خلاص بعد كده لما ترجعي بدري او ميبقاش عندك شغل كتير تعالي علي عندنا اقعدي معانا شويه و ابقي روحي عشان اليوم ميبقاش ملل
نغم…..ما عشان لو البنات في شغلهم او عندهم مشاوير
تامر….عادي اقعدي شويه مع بابا و لو حد فيهم موجود وروحي بعد كده
نغم….حاضر هعمل كده هو ااا انت نزلت الشغل؟
تامر…..لا لسه هو في شغل و الشباب معايا شغالين و بروح اوقات كده اقعد معاهم ساعه او ساعتين و امشي بس انا مش هنزل معاهم غير بعد فرح البنات يعني واخد اجازه طويله شويه
نغم…..كويس ارتاح انت تعبت الفتره اللي فاتت
تامر….فعلاً هرتاح لان الفتره الجايه دي هنمسك شغل تقيل شويه و هيحتاج وقت و مجهود
نغم…..كويس ربنا معاك
تامر….يارب
نغم…..القهوه حلوه
تامر…..اوي تسلم ايدك
نغم…..بابتسامه توتر بسيطه ااا شكراً و شكراً علي الشوكلت
تامر…..دي عشان البيت الجديد مش عشانك
نغم….بضحكه جميله طيب تمام انا هخلي البيت ياكلها كلها
تامر….اه متاخديش منه بقي
نغم….بضحك حاضر مش هاخد
سكتت و هو سكت كانت عماله تمسك في أيدها و متوتره و عينها رايحه جايه ساب من ايده القهوه و بصلها
تامر…..لسه بتخافي يا نغم ؟
بصتلوا بهدوء
تامر…..ايه اللي خوفك كده هو مش انا قولتلك الامن هنا شديد و مستحيل حد يدخل و بعدين خايفه من مين اصلا مبقاش في حاجه تخافي منها ولا ايه؟
