لقاء كارثي

ليله….مش يمكن يا قلبي حابب يفاجئك حابب انك متشوفيش اي حاجه في التجهيزات عشري عمل زيه انا ولا مره روحت مع عشري وهو بيجهز للفرح غير يوم الفرح نفسه

نادين…..عشان انتي مكنتيش حابه اصلا فكره الفرح فا عشري اضطر يروح من غيرك عشان مترفضيش

ليله….لا خالص طب ما انا في الاخر قولتلوا اوك اعمل اللي يريحك و في الاول اعتراضي مكانش علي الفرح نفسه انا اعترضت علي فكره فرح كبير بس في النهايه ابقي كدابه لو قولتلك اني مفرحاش بالفرح الكبير اللي عشري عملوا وابقي كدابه لو قولتلك اني كنت هتبسط اكتر بالفرح اللي كان في دماغي انه يكون ملموم وعلي قدنا بالعكس انا لحد الوقت مبهوره بكل تفاصيل الفرح

عندي نفس احساس الفرحه اللي كنت حساها وقتها من بعد ما استلم عشري النسخه بتاعت الفرح مشوفناهوش و عندي حماس فظيع ارجع اشوف الفرح تاني كل مفجأه عشري عملها لو كنت عرفتها منه او حضرت تجهيزاتها معاه مكنتش هبقي مبهوره كده المفجأه احلي بكتير لان مهما توقعتي مش هتقدري تتخيلي اللي هيحصل بلاش يا عمري تنكدي علي نفسك و عليه و تضيعي فرحته ميدو من وقت ما عرف ان الفرح هيتقدم وهو عامل زي الطفل مبسوط اوي و متحمش و بيحاول يسعدك اديكب شوفتي زعل ازاي من شويه من الشباب هو مش عايز حد يعارضه عايز فرحته ليكي تكمل كفتيه انه بيعمل كل ده مخصوص لا هامه وقت ولا مجهود ولا سفر ولا تعب و لا قلة نوم ولا تكاليف عايز بس يعملك اللي يفرحك ينفع بقي بعد كل ده تنكدي عليه بلاش تخليه يسافر و هو زعلان او حاسي انه مزعلك

نادين…..انا مش عيزاه يسافر و يسيبني يا ليله ولا عايزه فرح في اي مكان غير هنا خلاص

ليله….بابتسامه ايه الصغنن مبقاش قادر علي بعد ميدو

بصتلها نادين و عيطت

ليله…..بضحكه جميله و خدتها في حضنها والله العظيم انا من اول ما اعترضتي وانا عارفه انك لا زعلانه انه مقالكيش من بدري ولا زعلانه انه مش عايز ياخدك معاه انا عارفه انك زعلانه انه مسافر و سايبك لان عارفه ان دماغك مش صغيره كده

فضلت نادين تعيط في حضنها

ليله… خلاص والنبي هعيط معاكي يا بت والهيبه هتضيع ابتسمت بتاثر طيب بس يا روحي بطلي علط وحياتي دول يومين يا نودي مش كتير يعني و بعدين مش هسيبك في اليومين دول والله هننزل مع بعض احنا والبنات هنقضي وقت جميل و هرجعك اخر اليوم و هو هيكلمك و انتي هتكلميه هيعدوا بسرعه يعني امال بقي لو مهاجر ولا راح يشتغل بره هتعملي ايه