لقاء كارثي

ايه….طب ليه يا حبيبي انت كلت من غيرنا ولا ايه

احمد….ااا لا بس مش جعان

ايه….طيب كل اي حاجه معانا هنفتح نفسك

احمد……مش جعان يا بنتي والله

سلمي….طيب اعملك حاجه خفيفه شويه

احمد….اللهم طولك يا روح انتوا متعرفوش تاكلوا وانتوا ساكتين خالص بقولكم ايه انا رايح انام تصبحوا علي خير

ايه….طب خلاص تعالي مش هنقولك كل

احمد….لا مصدع هنام شويه لحد الفجر يلا خلصوا وشيلوا الاطباق وانت يا تامر قفل الشقه

ايه…..حاضر

تامر….ماشي يا حبيبي

سلمي….تصبح علي خير يا حبيبي

فضلوا باصين عليه لحد ما اختفي

ايه….بهمس شكلوا زعلان خالص

سلمي…..اه يا حبيبي مضايق اوي انا متخيلتش بابا يزعل كده

ايه…..صراحه ولا انا اتعلق بنغم جدا اللي يشوفوا لما كنت واقفه انا وتامر نقنعوا و نتحايل عليه يخليها بس لحد الصبح ميشفهوش الوقت

سلمي……دي حقيقه هو كان باين خالص انه رافض و خايف علينا من اهلها سبحان الله بجد

ايه….طيب احنا هنسيبه كده انت يا عم الطفس ياللي عمال تاكل

تامر….في ايه عايزه ايه انتي

ايه…..مش معانا عالكوكب انت ولا ايه و بعدين هو انا ليه حاسه انك مصدقت ان البت تمشي

تامر…..ليه يعني هي كانت قاعده علي قلبي ولا مقسماني في اوضتي
انتي لسه بتقولي كنت بقنعه انا وتامر يعني انا كنت موافق انها تيجي

ايه…..ماشي مقولتش حاجه بس يعني مش حساك زعلان

تامر….ولا زعلان ولا فرحان عادي

سلمي……مش زعلان خالص يعني انها مشيت متعودتش عليها

تامر…..مش كده والله بس هي اللي حابه تمشي و تستقر ويبقي ليها بيت يعني طبيعي افرح عشانها لو دي خطوه هتريحها و خير ليها فا اكيد هفرحلها انا لو زعلان بجد زعلان عشان بابا حاسس انه مضايق بجد مش مجرد انه لسه متعودتش انها مش موجوده فكره كمان ان انتوا الاتنين برضوا هتتجوزوا وتسيبوا اكيد مأثره عليه

ايه……هنسيبه ونروح فين انا نص ساعه وأبقي عندكم وسلمي كمان نص ساعه وتبقي هنا

تامر….يا غبيه افهمي الفكره مش انها نص ولا الوقت عموما

ايه….امال في ايه

تامر…..في انكم خلاص مبقيتوش موجودين و جودكم هنا هيبقي زياره يعني لا هتناموا ولا حياتكم هتبقي هنا خلاص هيبقي ليكم حياة تانيه حتي لو جيتوا مره و نمتوا هنا في النهايه بقي ليكم حياه تانيه و هو ده اصعب ما في الموضوع