لقاء كارثي

ايمي…..ميدو ولاااا

عسال….ايه يا ايمي

ايمي….انت بتتعصب عليا

عسال….ابتسم غصب عنه و هو عمال يضغط علي فكه لا مقدرش

ايمي…..والله العظيم محدش فينا يقصد يضايقك او ينكد عليك او نضيع فرحتك بس كل الحكايه اننا حاسين الموضوع بسيط و بنسهلوا عليك مش اكتر

عشري….هو عارف بس بيستعبط

عسال…..لا يا عشري مش بستعبط بس انت نفسك مترضهاش و قلبها في دماغك مش هتركب يا صاحبي انا لو حاسس ان الموضوع تقيل عليا مش هعمل غير اللي في امكانياتي انما تقولي نحجز احنا عيب

عشري…..بابتسامه ماشي يا عم انا محققولك بس انت عارف انا اقصد ايه

عسال…عارف و بقولك مش هينفع

عشري….طيب خلاص وحد الله بقي و خلينا نرجع تاني لكلامنا

ليله…..بصوا يا جماعه ميدو معاه حق اينعم لو كان وافق اكيد مكانتش هتفرق و كلنا واحد و مفيش بينا فرق بس هو ليه وجهة نظر وانا بصراحه معاه فيها بس خلينا نظبطها بطريقه احلي شويه يا ميدو هنخليك تعمل اللي في دماغك بس كمان مش لازم خالص تجيب لكل واحد غرفه ولا كل اتنين متجوزين غرفه

عسال….ملهاش ظبطه غير كده يا ليله انا مش هحط الناس علي بعض في غرف محدده ده مش مصيف و لا رحله ده فرح وكل واحد لازم يجهز براحته و بطريقته معانا ناس كبيره و معانا امهات و معانا رجاله كبيره

ليله…….لا هتظبط خليك معايا واحده واحده وانا هظبطلك الدنيا

سلمي….خليك مع ليله والله هتظبطها اسمع مني

ايمي….ميدو لو علي الناس الكبيره ناشي خلي ليهم غرف لوحدهم يعني مثلا ابويا و امي مع بعض امونه و عشري الكبير مع بعض كده يعني الباقي نظبطها

عسال….باقي ايه يعني اخوات عشري اخوات فضل اجنا كده ياجدعان مش ظابطه

ليله ….بص يا ميدو هي ظابطه بس فتح دماغك معايا بلاش تقفلها كده زي ما ابمي قالتلك الكبار لوحدهم في غرف لان ولادهم كبار اكيد مش هيناموا معاهم احنا بقي اخوات عشري علي اخوات فضل علي مرات كل واحد فيهم احنا بنات علي شباب يعني هنظبطها اصلا هنسهر و هنطلع علي النوم زي ما قولنا و علي فكره في حاجه كمان الكبار اللي بتتكلم عنهم دول يا ميدو لا بيخرجوا ولا بيشوفوا الدنيا علب طول في البيت ما بيصدقوا تجيلهم مناسبه او يشوفوا بعض اذا كان رجاله او ستات يعني زوزو نوجا حنون قمر واميمه اخواتي ومها مرات وليد امونه و جوجو كلهم زهقانين من الرجاله من الاخر هيتبسطوا وهما مع بعض جدا