لقاء كارثي

ليله…..فتره ازاي مش انهارده بس

ايمي….لا هقعد الكام يوم دول هنا في الشقه مفيش وقت احنا عايزين نتفق الوقت حالا هننزل امته للفساتين و عايزين نظبط كل حاجه

ليله….اكيد بكره مينفعش نأجل اصلا

ايمي….طيب بكره هننزل و هما كتب كتابهم بعد ثلاث ايام و بعد كده فرح محمود اخو عشري مش هاخد السكه قياسه بقي راحه جايه خليني عند زوزو عشان ابقي قريبه منكم كمان و اي وقت نتحرك علي طول

رشيد…اه خليها هنا احسن عشان متتعبش و حركتها تبقي سهله عليها و عليكم

ليله…..احسن كده و اصلا بعد فرحهم بكام يوم هيبقي فرح نادين و ميدو بصي انتي جوزيهم و ارجعي البيت

ايمي….ما انا هنعمل كده و متنسيش كمان خطوبه ريهام و محمود يعني لازم اكون موجوده معاهم

ليله….بابتسامه اه صحيح مبروك يا سلامه انت وميدو

نعيمه…..بابتسامه مبروك يا حلويييين

سلامه…..الله يبارك فيكم يارب

عسال…..حبايبي الله يبارك فيكم

حسان…. بابتسامه هو انا لحد الوقت مش مستوعب بس والله العظيم مبسوط اوي عشانهم

فضل….بضحك وانا كمان عشري لما قالي بصتلوا كده بقولوا بجد و الله فرحت اوي ريهام و محمود ولاد حلال و طيبين يستاهلوا كل خير

سلامه…..بضحك هنبقي نسايب يا ايمي

ايمي….. بضحك لزقت في حياتكم انا

سلامه….يارب ديماً و ربنا يسعدهم يارب.

ايمي….اللهم امين

حسان….طيب خلونا نتفق بقي عشان احنا في ضغط ما بعلم بيه الا ربنا محدش فينا عارف يبقي مع التاني لان تقريبا كلنا عندنا مناسبات

عشري….سوفوا انتوا عايزين ايه واحنا معاكم

حسان….ياعم ما انت في فرح اخوك انت كمان

عشري…..اخويا اموره بخير و بعدين انا لو مشغول اخوات و اخوات فضل بيسدوا متقلقش احنا مظبطين كل حاجه مع بعض

رشيد…..الاول حد من البنات ناقصه حاجه غير الفساتين مفيش وقت لازم تخلصوا

ايمي….لا ليله جابت معاهم كل حاجه خلاص

ليله….البنات كده خلصوا كل حاجه الحمد لله

حسان….بابتسامه بالمناسبه يا ليله بجد ربنا يخليكي لينا تعبتي الكام يوم دول

ليله….بابتسامه متقولش كده يا حسان دول اخواتي تعب ايه بس

سلمي….بصراحه لولي مش تعبت لولي انهارت مننا احنا الثلاثه

ليله….بطلي هبل يا بت

سلامه….لا بس طلعتي شاطره يا لولي كنت فاكركم مش هتعرفوا تجيبوا حاجه

ليله….لما امي كانت بتجهز اميمه و قمر كنت انا صغيره وقتها هي اصلا بتجهزهم من زمان كانت تاخدني من ايدي و اشوفها بقي بتجيب ايه و بتختار ازاي و بتركز علي ايه و بتجيب من كل حاجه ايه فا عندي خلفيه يعني