لقاء كارثي

حسان طبعا اتصل بأحمد و اتفق معاه و احمد وافق علي طول

اليوم كان مضغوط جدا علي اغلبهم كل واحد فيهم بدأ يخلص من حاجه

و بسبب التغييرات دي البنات قرروا انهم يتقابلوا عند نعيمه بليل عشان يتفقوا هينزلوا امته يخلصوا من موضوع الفساتين.

من اول ما احمد فتح عينه و هو لسه مضايق بس مكالمه نغم ليه فرقت معاه جدا اتصلت عليه و كلمتوا و سألت عنه و ضحكت معاه و ضحك معاها اطمن عليها و سألها لو محتاجه حاجه و قالها تبقي تيجي وقت ما تبقي فاضيه

و بعد كده كلمت البنات كانت مبسوطه اوي عرفت اخر اخبارهم كانت عايزه تشوفهم بس هي عندها شغل وهما كنان مش فاضين بس عرفوها انهم هيتفقوا مع البنات انهارده علي نزولهم للفساتين عشان تجهز نفسها تروح معاهم

كانت مبسوطه جدا و متحمسه جدا جدا..

سلامه و حسان راحوا تاني مكان الفرح خلصوا شويه تجهيزات و بعدين طلعوا علي المأذون اتفقوا معاه و عرفوا الاوراق المطلوبه عشان يلحقوا يجهزوها

ريهام و محمود كان عندهم حاله خاصه من السعاده هما كمان متحمسين جدا و مبسوطين اوي

كان يوم مرهق و متعب علي الكل
كل واحد فيهم قادر ينجز حاجه كان بينجزها عشري و فضل كمان كانوا مشغولين في شغلهم و في فرح محمود و عزومه معارفهم كلهم و برضوا بيحاولوا يشوفوا يقدروا يساعدوا حسان و سلامه و ميدو في ايه..

علي الساعه عشره كانوا كلهم متجمعين في بيت نعيمه و ليله و الشباب كمان راحولهم علي هناك

ميدو كان اكتر حد فيهم مضغوط لانه مضطر يسافر يحجز الغرف في الفندق و يجهز مع الودينج بلانر كل التفاصيل اللي هيطلبها و كان لازم يسافر يومين عشان يلحق يرجع قبل كتب كتاب سلامه و حسان و مكانش لسه عرف نادين انه هيسافر و كان مضايق انه هيسيبها لوحدها

الحاله اللي كانت بينهم كالعاده كانت تجنن و الكل كان فرحان اوي بفضل ونعيمه و قاعدين يتكلموا ويضحكوا

………………

عند نغم كانت قاعده فاتحه التلفزيون و قاعده قدامه حاطه العروسه اللي تامر جابها ليها بتاعت طمطم في حضنها باصه علي التلفزيون بس مش مركزه في الفيلم

سمعت صوت جرس الباب بصت بسرعه بخوف كان تاني يوم ليها في البيت و اول مره جرس الباب يرن و لسه مش متعوده و لسه لحد الوقت بتخاف ض*ر*بات قلبها زادت اوي بصت علي الباب وهي قاعده و مقامتش من مكانها و لا حتي قالت مين مسكت الريمود بسرعه كتمت صوت التلفزيون و مسكت موبايلها بسرعه و اول حد جه في بالها تامر كانت عارفه ان اكيد مش البنات لانهم قالولها هيتقابلوا كلهم و يتفقوا و مجاش في بالها ان تامر او احمد يجوا اتصلت بسرعه عليه