لقاء كارثي
لقاء كارثي
حسان….ولااااا فوق كده و كلمني انا عرف ايه اللي زنقني معاك الزنقه المهببه دي كان مالي ومالك يعني ملاقتش غيرك اتجوز معاه
سلامه…..مالك عالصبح مش طايق روحك ليه و انت تطول تتجوز معايا
حسان….بضحك ايوه كده صحصح بلاش الغيبوبه اللي انت فيها دي
سلامه….ياعم انا معاك بس قولي براحه
حسان…..هو انا بتكلم هندي بقولك عايزين نشوف هنكتب الكتاب امته عشان نتفق مع المأذون
سلامه….معرفش اي يوم مش هتفرق يا حسان
حسان….لا هتفرق محمود اخو عشري فرحه يوم تسعه كمان خمس ايام تقريباً و لا سته و احنا فرحنا يوم 13 انا بقول نكتب الكتاب بعد بكره او بعد بعده
سلامه….اشمعني بعد بكره او بعد بعده
حسان….عشان ياغبي بكره علي طول مش هينفع لازم البنات يعملوا حسابهم و محمود فرحه بعد خمس ايام تقريبا يعني نكتب قبلوا بيومين علي الاقل عشان عشري و فضل و ليله و نعيمه يبقوا معانا اكيد مش هيسيبوا فرح محمود واحنا كمان معزومين يعني مفيش وقت و اكيد مش هنكتب بعد فرحه بيوم الكل هيبقي تعبان
سلامه….طيب ما عندك يوم 11 و 12
حسان….يا ابني الله يهديك البنات بعد فرح محمود مش هيبقي عندهم وقت اصلا و احنا كمان مش هنبقي فاضيين وبعدين يوم 12 ازاي و الفرح تاني يوم و بعدين كمان اخوك قال انه هيسافر السخنه يظبط حوار الفندق و يجهز كل حاجه عشان ينجز مفيش وقت و اكيد مش هتكتب من غير ميدو
سلامه…..طب انت عايز ايه الوقت؟
حسان…..انا عايز اقفشك عشان اضيع مستقبلك ما تفوق يلاااااا
سلامه….بضحك بقيت عنيف اوي خد بالك
حسان…..بأبتسامه يا سلامه قوم الله يهديك مفيش وقت قدامنا عايزين نخلص قولت ايه قولي
سلامه….ياعم لو عايز نكتب انهارده انا جاهز متقرفش امي
حسان….يعني اقول لعمي
سلامه…..قول لعمك و عمتك و عيلتك كلها ذيع الخبر
حسان….بضحك يا حيواااان اقصد حمودي
سلامه…..بضحك ااااه طيب اتصل عليه و شوف هتتفقوا علي ايه و عرفني عشان اعرف ابويا كمان
حسان….طيب صحصح كده بقي وانا هتفق معاه و هعرفك و ياريت تنزل بقي عشان ورانا مشاوير كتير
سلامه….خلاص والله قومت اهو روح كلموا يلا و انا هنزل واتصل عليك
حسان….طيب تمام يلا سلام انت الوقت.
……………
الساعات كامت بتمر ..
سلامه اتصل علي والده و عرفوا ان ريهام متقدملها عريس طبعا معترضتش لانه حس ان سلامه موافق عليه و راضي بعد كده بلغ محمود بكل حاجه محمود كان طاير من السعاده و طلب منه انه يحدد معاد يجي يقرأ فيه الفاتحه و يلبسها الشبكه سلامه اقترح عليه عشان ضيق الوقت اللي هما فيه كلهم انه يعمل كده يوم كتب كتابه هو و حسان علي ايه و سلمي وافق علي طول و عرف زوزو و جماده و اخواته الكل كان مبسوط اوي.
