لقاء كارثي
لقاء كارثي
نغم….بابتسامه تمام بس بجد شكرا يا تامر انت مش متخيل انا مبسوطه قد ايه بجد
تامر….وان شاء الله هتتبسطي اكتر لما تبدأي شغلك بس قوليلي بقي يا تري انتي حابه تشتغلي في انهي قسم يعني سياسه ولا فن ولا حوادث
نغم….. بابتسامه بص لما كنت في ثانوي و قررت اني ادخل اعلام قسم صحافه كان وقتها اللي مسيطر عليا الفن بصراحه لما كنت بشوف صحفيين معينين بيصوروا مع فنانين و مشاهير كنت بتبسط و كنت ببقي حابه اعمل زيهم بس بعد وقت بدات اضايق اوي لان الموضوع مبقاش اخبار فن وفنانين و اننا نعرف اخر الاخبار عنهم لا ده بقي صعب اوي فضايح و اشعات عشان نجذب الناس للاخبار و يمكن ده اللي كان بيخليني ارفض اشتغل في بعض الاماكن لان لما كنت بروح كنت بلاقيهم يطلبوا مني انزل اخبار فيك مجرد بس لفت انتباه مش فارق معاهم بقي سمعة الناس دي ولا قارق معاهم ممكن خبر زي ده يبوظ حياتهم ازاي المهم الترند و الضجه اللي الخبر يعملها فا كرهت القسم ده من الشغل فكرت شويه في السياسه بس حتي السياسه فيها برضوا اشعات و مصايب و ده عايز ده ينزل من علي الكرسي بتاعه فا بينزل بخبر كدب و ده بيستغل نفوذه فا بيطلب من المكان يقول الخبر ده غير ان الشغل في السياسه صعب اوي بس مؤخراً بقي حبيت اوي قسم الحوادث اغلبها حجات بتحصل علي ارض الواقع جرايم و مصايب و حجات حقيقه بتحصل بجد بتروح تغطي خبر عنها مش مجرد اخبار وهميه و ترندات
تامر…..يعني انتي حابه قسم الحوادث
نغم….اه جدا
تامر…..بس هو صعب علي فكره و بيحتاج مجهود جبار
نغم….دي حقيقه بس في حركه في مغامره في تفكير و بعدين بحس انه اكتر جزء في الشغلانه هو الحقيقي و الاكبر يعني متشعب بقي مش بس حوادث لناس عاديه لا ممكن يحصل حاجه مع فنان او مشهور برضوا بتروح اقسام شرطه و بتتابع مع مباحث يعني حاطت رجلك في كل الاقسام
تامر…..عموما ربنا يوفقك و انا واثق فيكي و عارف انك هتشتغلي من قلبك عشان تحققي حلمك
نغم….يارب يا تامر
تامر….كلميهم بكره بقي و ابقي فرحيني متنسيش
نغم…اكيد انت اول حد هكلموا
تامر…ماشي يا نغم انا هقوم بقي
نغم…..خليك طيب انا قاعده
تامر….معلش لازم امشي اتاخرت و بعدين عشان انتي ترتاحي بكره هتنزلي مع البنات لازم تبقي فايقه و اسف علي الخضه اللي خضتهالك و اسف كمان اني جيت من غير معاد بس كنت عايز اديكي الكارت
