لقاء كارثي

نعيمه…ماهو انا بصراحه احترمت موقفك ده جدا كمان لما بعتلي مسدچ تطمن عليا كلامك و رسالتك اثروا فيا بجد حسيت ان ك اخويا الكبير خايف عليا زعلان عشاني عايز تطمن عليا و تعرف مالي و برضوا بعتلي في رمضان مسدچ تقولي كل سنه وانتي طيبه و اطمنت عليا

و الموقف التاني بقي لما وصلت من السفر و جيت انت والشباب كلامك معايا عني و عن فضل بجد ريحني كنت خايفه اصلا تكونوا زعلانين مني كلكم عشان فضل بس بصراحه ولا حد فيكم حسسني بزعل ده غير بقي اني اكتشفت مؤخرا ان دمك خفيف جدا غيرت فكرتي عن انك تقيل كده و عاقل زياده عن اللزوم الفتره الاخيره دي حسيت انك علي راحتك اكتر فاكك اكتر حتي في طريقه تعاملك مع سلمي قدامنا و انا بصراحه بحب العلاقه دي اوي بحب ان الراجل طول الوقت يبين حبه و بصراحه اطمنت علي صحبتي

حسان…..بضحك بقي كده يا ست نوني

نعيمه….بضحك لا والله بقيت احبك جدا جدا كمان زي ما بحب الشباب كلهم

سلامه…..خد بالك كل المواقف اللي هي بتقولها دي مؤخرا من بعد ما سافرت يعني مكانتش بتحبك ولا تطيق قبل كده

نعيمه….ما تسكت يا سوسه

حسان….بضحك خليك في حالك يا بوتجاز خلاص اتصالحنا

نعيمه….المهم يعني مش عيزاك تزعل مني

حسان…..بابتسامه مقدرش والله انتي غاليه عندي يا نوني و خدي بالك انا كمان محستش انك غاليه عندي الا بعد كل اللي حصل ده كنت مضايق و زعلان عشانك اوي و بجد حصلي حاله كده غريبه يعني غيران عليكي غيران غلي صاحبي مش متخيل انكم سيبتوا بعض مش متخيل انها خلصت كده و كل واحد فيكم هيكمل طريقه لوحده او مع اشخاص تانيه لا لا مقدرتش

فضل…..بابتسامه عملتي قلق انتي

نعيمه…..هالص والاه بس اقولك علي حاجه انا مبسوطه بالقلق ده لاني حسيت بحبكم اكتر

عشري…..ليه وانتي كنتي شاكه ولا ايه

نعيمه….لا والله بس اتأكدت اكتر انا قرضوا دماغي كانت تعبانه وقتها متركزش معايا

عشري….بابتسامه انتي غاليه عندنا يا نوني وانتي مجنونه وانتي دبش و انتي متعصبه و الوقت وانتي عاقله وهاديه يعني بنحبك في كل احوالك

فضل….بضحك انا ملاحظ ان كل الكلام الحلو هي اللي وخداه لوحدها

عشري….اه هي البنت تدلع براحتها اقعد انت علي جنب و دلع معانا

فضل…. بضحك ماشي ياعم

ايمي و رشيد كانوا قاعدين جنبهم و عنالين يتكلموا مع بعض بهمس و فجأه حست ايمي باعب في بطنها بصتلوا بصدمه وابتسمت