لقاء كارثي

نغم….بضحك فهمني

تامر…..طب بطلي ضحك عشان اعرف اقول

نغم…..بضحك خلتص والله حاضر اهو

تامر…..لا وشك لسه بيضحك مش قايل

فضلت تضحك من قلبها و مكانتش عارفه تسكت خالص و هو عمال يضحك و كان اول مره يشوفها بتضحك من قلبها بجد

نغم….خلاص والله هسكت تعبت سلا فهمني

تامر….بضحك ماشي انا اقصد ان في حاجه حصلت بالصدفه كده و حاجه مش مترتبلها فا فجأه لاقتني جايبلك شغلك فهمتي بقي اقصد ايه بتقريباً

نغم….بضحك فهمت بس شغل ايه انا بشتغل و مبسوطه في شغلي مع نادين و نعيمه

تامر…..طيب مش لما تعرفي الاول ايه هو الشغل

نغم…..طيب قول

تامر…..طلع الكارت من جيبه و مدلها ايده بيه ده كارت بتاع رئيس تحرير مؤسسة المصري اليوم اسمه رزق كنت مع حد معرفه يعني حد الشباب بيخلصولوا الڤيلا بتاعته و اتكلمنا وكده هو شغال في المكان ده و يعرف صاحب الكارت ده معرفه شخصيه و مقرب ليه فا انتي جيتي في بالي علي طول قولتلوا عنك كده باختصار يعني خريجه ايه و نزلتي تدريب قد ايه و بس فا هو قالي طيب تروح و تجرب و خد الكارت ده بتاع المكتب بتاعه هتتصلي السكرتيره الشخصيه هترد عليكي و هتقوليلها اسمك هو قالي انه هيكون مبلغه بس هتاخدي معاد و تروحي و جربي مش هتخسري حاجه و قالي كمان هتشوفي انتي حابه تكوني في انهي قسم يعني حابه مثلا سياسه فن حوادث و علي الاساس ده هتنزلي تدريب تقريبا تبع رئيس القسم اللي هتبقي حابه تكوني فيه و لو اثبتي كفائه هتتثبتي و يبقي ليكي عقد و بس كده

بصتلوا وبعدين بصت علي الكارت

تامر…..ايه ساكته ليه

نغم….بابتسامه ااا بصراحه مش عارفه المفروض اقول ايه

تامر….اي حاجه

نغم…..انا كان حلمي من اول ما اتخرجت اني اشتغل في مكان كبير و معروف عارف اني من بعد ما اتخرجت كان بيجيلي حجات في اماكن مش معروفه اوي فا كنت برفض حتي اني اقدم او اجرب لان كان عندي هدف اكبر من الاماكن دي بس بعد ما حسيت اني ضيعت وقت كتير اوي عماله ارفض قررت اني اقدم في اي مكان قدامي و فعلا نزلت في مكان مكانش كبير اتدربت مده بسيطه و بعدين قعدت بسبب اللي كان بيحصل و هي انغام عايشه

بس مكنتش متخيله اني هعرف ارجع بسهوله للصحافه او اني الاقي فرصه اصلا و تكون زي دي

تامر….. بابتسامه ايوه يعني انتي مبسوطه ولا مضايقه

نغم….. بابتسامه طبعاً مبسوطه واوي كمان يا تامر كفايه اني هشتغل بشهادتي و كفايه اني هشتغل الحاجه اللي بحبها