لقاء كارثي

عسال…..بابتسامه حصل شوفنا فيه حجات كتير حلوه و وحشه و صعبه و سهله بس احلي حاجه اننا كنا مع بعض

سلامه…..بصلوا و ابتسم بهدوء و خرجت منه تنهيده طويله انا اتخطفت يا ميدو لما محمود قالي انه عايز يتجوز ريهام

عسال….بأبتسامه جميله و تأثر عارف و انا اكتر حد حس بيك و يمكن انا كمان حسيت باللي انت حسيت بيه انا فرحت بجد اوي بس حسيت فجأه ان قلبي اتقبض

سلامه……بابتسامه بص علي الصور وانا كمان لدرجه اني اتمنيت مجيبش بنات عشان محسش نفس الاحساس ده تاني انا طول عمري نفسي اكبر واعلم واجوز و بجد كان نفسي اشوف ريهام عروسه اوي بس لما اتحطيت في الموقف كان صعب

فجأه حسيت الكلام اتسحب من لساني مبقتش عارف اقول ايه عايزكم تتكلموا تقولوا اي حاجه لحد ما اظبط نفسي لاني بجد مكنتش متوقع انه يقولي كده بصيتلك عشان تتكلم لاقيت ضارب لخمه انت كمان و عمال تعرق

عسال…..اتخضيت يا سلامه فكره ان شقي عمرنا يجي واحد كده يقول هاخدها مش سهله عارف لما كنا مسافرين و ليله و البنات فتحوا موضوع شغل ريهام و انها لازم تتعامل وتنزل و تشتغل و تتعرف علي ناس و الناس تشوفها و تحب

اضايقت اوي و انا فاكر رد فعلي و فعلك و يمكن في اليوم ده حسيت ان نودي و ايه زعلوا

سلامه…. بابتسامه اه زعلوا بس هما مكانوش فاهمين وجهه نظرنا

عسال…..ولا هيفهموها بص يا سلامه احنا اتربينا تربيه صح و سليمه اتربينا نحافظ علي اللي مننا و اللي مش مننا فا انا لما اتكلمت وقتها كنت بتكلم علي اساس ثقتي في نفسي وفيك اننا مش زي اي شاب ممكن يرتبط لا هنلعب ولا هنتسلي و لا هنأذي فا كلتمي وقتها عن ريهام اني مكنتش واثق انها هتلاقي اللي يحافظ عليها زي ما احنا بنحافظ علي البنات

سلامه…..انا فاهمك و جايز هما فهموا بعد كده بس محدش هيحس بينا الا اللي عاش نفس ظروفنا و يمكن اكتر حاجه بجد مفرحاني اني عمري ما حسيت ان ريهام زعلانه مننا لانها كانت عارفه احنا بنحبها قد ايه و بنخاف عليها ازاي و تعبنا قد ايه عشان نحافظ عليها و نحميها

عسال…..بس اقولك علي حاجه محمود اكتر حد مناسب لريهام فعلا الواد طيب اوي و جدع و راجل

سلامه….عارف وانا قولتهالوا هما شبهنا اوي حتي لو تربيتهم و حياتهم كانت مختلفه عننا بس من جواهم شبهننا

عسال….دي حقيقه بعيداً عن الحاله اللي فيها بس انا مبسوط اوي