لقاء كارثي
لقاء كارثي
عشري…..بضحكة تجنن طب ما كفايه بقي عشان انا اللي هفضحك و الشيطان فاق و عايز يقوم و انا مقعده بالعافيه و هتبقي ليله يا ليله
ضحكت ليله بصوت عالي و قربت منه لفت ايدها علي رقبته
عشري….بضحك ضحكتك عشان مزعلكيش
ليله…بهمس جنب ودنه وحشتني انت والشيطان
عشري…..بضحكه تجنن طب كفايه بجد بقول ايه ما تجيبي المخده من جنبك عشان بروح منك خلاص
ليله….بضحك عايزها ليه
عشري…..بابتسامه اخلصي
ليله….بضحك لما تقولي عايزها ليه
ضحك عشري و ضم راسها لحضنه و همسلها جنب ودنها
عشري……ثانيه كمان و هنتفضح انا وانتي
ليله…. بضحك وانا مالي اتفضح انت لوحدك يا بلطجي انا معنديش حاجه تفضحني
عشري…..بضحك طب استري عليا يا بلطجيه
دفنت وشه في رقبته و فضلت تضحك و هو فضل يضحك ومبقاش علي بعضه
بعدت عنه ثواني و هي مبتسمه و مسكت مخده ادتهاله ابتسم عشري و حط دراعه علي ضهرها قربها منه و باس راسها
عشري…..بحبك
ليله…..بضحك و انا بم*و*ت فيك
حط دقنه علي راسها و بعدين ثبت شفايفه علي راسها و باسها بوسه طويله..
…………………
سلامه كان قاعد علي كرسي البار بيشرب سيجاره و ايه واقفه قدامه
ايه….بصوت واطي سلامه انا قولتلك مش عايزه معايا والله
سلامه….هو ايه اللي مش عايزه انا بعزم عليكي بلبانه
ايه….طيب بلاش تضايقني بالله عليك و بعدين انا قولتلك كذا مره اني بجد موضوع الفلوس ده بالنسبالي رخم اوي
سلامه…..طيب صوتنا هيبقي عالي والشكل العام مش هيبقي احسن حاجه وهتعصب و هقل ادبي فا خليني محترم ودمي خفيف و مؤدب
ايه…..بضحك ايه كل ده انت بتهددني مبتهددش انا
سلامه…..بابتسامه طيب يلا امسكي
ايه…..مش همسك انا حاجه بجد يا سلامه انا معايا و حياة ربنا
سلامه…انا مالي معاكي ولا مش معاكي انا مش باخد رأيك أصلا خلصي بقي متعصبنيش
ايه…..طيب اسمع هنتفق اتفاق
سلامه….خدي بالك قربت اقفل خالص و هنكد عليكي لا اتفاق ولا زفت اخلصي مش كل مره علي طلوع الروح ده ايه هتروحي تجيبي حاجتك بفلوسك
ايه…اديك قولت حاجتي
سلامه…..أيه بجد هقلب حاجتك ايه مش فاهم انا ما انا عارف انها حاجتك بس ايه هتجيبيها بفلوسك و لا هتاخدي من حد غيري و بعدين هتجيبي فستان فرحك علي حسابك
ايه…طيب اسمع انا هاخد حق الفستان بس انما باقي الفساتين لا
