لقاء كارثي
~° البارت الاول °~
……..
في بداية صباح يوم جديد في تمام الساعه الرابعه صباحاً من مدينة( دهب)
خرج حسان من الاوضه و نزل علي تحت
حسان…. الله يخربيتكم انتوا لسه صاحين مبتتعبوش
سلامه… بضحك اعوذ بالله خضتني مالك عامل زي الست اللي بتقبض علي جوزها ليه كده
عسال….بضحك اه والله لما شوفته حسيت اني عاما عامله
حسان…و انت يا عاقل منك ليه منمتوش ليه ناسين انكم هتسوقوا ولازم ترتاحوا
رشيد ابتسم و رفع عينه لفوق كأن الكلام مش ليه
حسان…..ايوه اعمل نفسك الكلام مش ليك
رشيد….بضحك مش جايلي نوم والله صعبان عليا اسيب اخر كام ساعه واروح انام حاسس ان الوقت جري بسرعه
عشري…..ومين سمعك والله ما عايز ارجع نفسي افضل هنا علي طول
حسان…..كلها ثلاث اسابيع و تتجوز ابقي تعالي يا اخويا وانت عريس قضي شهر العسل هنا و محدش هيقولك أرجع
دخل فضل علي اخر جمله لحسان وابتسم
فضل….. بتفكره ليه بس ما تسيبه يضحك
عشري….قوله يا فضل ده حالف ينكد عليا
و بعدين هو السفر يحلي من غيركم
حسان….. ليه مش بيقولوا أن لو جات الست يغور الراجل
عشري….طيب قول المثل من الاول قعدت الراجل بميت ست
حسان…..بضحك بس متنكرش أن لو جات الست يغور الراجل
عشري…..لا يا سيدي ميغورش الراجل
سلامه….بضحك طب ايه اللي راميك علي المر يا صاحبي
عشري….اللي أمر منه يا سلامه الله ينكد عليك يا حسان
حسان…..بضحك الله وانا مالي أن شالله عنك ما اتجوزت هو اللي اتجوز خد ايه يعني
رشيد…..بضحكة سخريه طلق في الاخر
فضل…..كرهتوا الراجل في حياته قبل ما تبدأ منكم لله
حسان……انت كنت بتعمل ايه بره صحيح
فضل…..مفيش ده الريس سالم بعت واد شغال معاه باكل و حجات كتير كنت واقف معاه عشان يحطهم في المطبخ اللي بره
حسان…..اكل ايه ؟ احنا راجعين القاهره بكره
فضل….ده مش لينا ده قال للمستأجرين الجداد اللي هيوصلوا الصبح طلبوا منه يملأ المطبخ والثلاجه بطلبات طلبوها منه عشان مش عايزين يجوا هنا و يخرجوا يشتروا حاجه و قال هيوصلوا علي الضهر
حسان….علي فكره في اكل فاضل هنا كتير
فضل….اه نسيبه بقي في البيت الريس سالم ياخده أو يسيبه براحته بقي
رشيد…..يا بختهم
حسان…..و يا بختهم ليه قاعد بقالك اربع ايام كمل بضحك و بعدين خلاص نفوت شوية و نيجي تاني قبل فرح عشري نعمل معاه حفلة توديع العزوبيه
عشري….. الله يحرقك مصمم تفكرني و بعدين توديع عزوبيه أيه بس
حسان….يا عيني يا ابني خلاص رجلك جات
عشري…..طيب اقوم أموته و لا اعمل ايه
حسان…..بضحك لا قوم انت وهو ناموا عشان تعرفوا تسوقوا عالطريق بدل ما نموت كلنا
عسال…..صحيح هما الناس اللي هتستلم مننا الڤيلا هيوصلوا امته
فضل ….ما قولت علي الضهر انت نايم ولا ايه و بعدين مش هيستلموا مننا احنا هنمشي غالباً قبل ما يوصلوا
عسال…..ليه امال احنا هنمشي أمته ؟دي الساعه اربعه
فضل….هنمشي علي 11 كده و عشان الساعه بقت اربعه بقول نقوم نتخمد
عسال….فرقت معاك اوي ماهي عالضهر يعني هيكونوا وصلوا
فضل…..حتي لو وصلوا هيستلموا اكيد من الريس سالم مش مننا احنا
عسال….طيب تمام
رشيد…..انا هقوم انام شويه عشان اقدر اسوق شوفت انا بسمع الكلام ازاي؟
حسان…..ربنا يكملك بعقلك يا عاقل يا كبير عقبال العريس ما ربنا يهديه و يقوم ينام
فضل…..بضحك والله العريس هيقوم يعلقك
عشري….اه والله انا قايم قبل ما ارتكب فيه جريمه.
ضحكوا كلهم وقاموا طلعوا عشان يناموا شويه قبل ما يرجعوا علي القاهره..
…………
قبل ساعه واحده
في القاهره في تمام الساعه الثالثه فجراً
نزلت ليله من بيتها هي و نعيمه ركبت العربيه عدوا علي نادين خدوها معاهم و طلعوا علي بيت ايمان عشان يمشوا مع بعض.
نادين…..بابتسامه جميله صباح الفل علي احلي بنات في الدنيا
ليله….صباح السكر علي الكويت بتاعتي
نعيمه….صباح الفل يا نودي
ليله….عارفه يا بت يا نودي احلي حاجه بحبها فيكي ايه ؟
نادين…..ايه ؟
ليله….مواعيدك المظبوطه قولتلك هعدي عليكي ثلاثه نزلتي في المعاد
نادين…..شوفتي بقي كنتي مصممه اجي اقعد معاكم من قبلها عشان مأخركوش بس اهو مأخرتكوش
ليله….جدعه عقبال ست ايه و ست سلمي نروح نلاقيهم عند ايمي
نادين….يابنتي هما عندها من الساعه عشره راحوا علي هناك و مستنين انا لسه قافله معاهم
ليله….ايه ده هما راحوا مش قالوا ممكن ميروحوش
نادين….لا راحوا عمو محمد قالهم روحوا احسن عشان مينزلوش لوحدهم متأخر ايه قالتلي أنه توصلهم بالعربيه ورجع
ليله….طيب كويس بدل ما نتأخر خلينا نمشي في الروايه قبل ما النهار يطلع
نادين….طيب ممكن تنزلي بقي و تفتحي شنطة العربيه عشان احط الشنطه
نعيمه…..بضحك اه صحيح ما تنزلي تحطي الشنطه وبلاش رغي انتي اللي هتأخرينا
ليله…..بضحك اه صحيح ايه الرغي اللي علي الصبح ده
نزلت ليله حطت هي و نادين الشنطه وركبوا
نادين….ايه ده الله نسكافيه
نعيمه…..ده بتاعي يا رخمه
نادين…..هاتي بقي شويه نسيت اعمل و هموت من الجوع
نعيمه….انتي مفطرتيش يا بت
نادين…..لا والله انا أصلاً اخر مره كلت كانت الساعه خمسه
نعيمه….ليه كده طيب
ليله…..نادين عامله زيي طول ماهي لوحدها مش بتاكل ولا بتشرب
نعيمه….طب اشربي خلاص صعبتي عليا و امسكي البسكوت ده كمان لحد ما نشوف سوبر ماركت نجيب منه حاجه نأكلها في الطريق
نادين…..رفعت نفسها وقربت من نعيمه باستها من خدها ياروحي انا علي ام قلب طيب بس ملوش لزوم سلمي قالتلي أن هي عملت بيتزا و معجنات و معاهم عصاير و حجات كتير
ليله…بضحك طبعاً ماهما رايحين فرح ما بيصدقوا اول حاجه بيفكروا فيها الاكل
نادين….بضحك بس متنكرش أنهم مشبعينا ديماً
ليله….صراحه مقدرش أنكر و تلاقي زوزو كمان عامله حجات بالغصب لايمي
نادين….بضحك اه والله عرفتي ازاي
ليله….عيب دي زوزو
نادين….و هي بتاكل البسكوت كنت بكلمه و سامعه خناق ايمي مع زوزو عشان حاطه في علبه فاكهه متقطعه
نعيمه….بضحك طب والله زوزو دي سكر قطعت كلامها وبصت علي نادين ورجعت بصت تاني علي ليله الحقي يا ليله نادين بتوقع البسكوت في العربيه
ليله….نهارك اسود و مش فايت
نادين….والله أبداً دي كدابه ده المنديل بتاعي وقع ضربتها علي كتفها وانتي اسكتي شويه يا سوسه
نعيمه….بضحك ايدك تقيله يا بقره
ليله…..صحيح غطيتي عربيتك ولا هتيجي تلاقيها مليانه تراب و بيبي عصافير
نادين….لا طبعاً غطتها دي زقزوقه حبيبتي
مقدرش انساها
نعيمه….عليكي وعلي زقزوقه بتاعتك دي اتصلي يلا عليهم قوليلهم داخلين عليهم
نادين…..متشتميش زقزوقه طيب
نعيمه…..بصتلها و رفعت حاجبها عليكي و علي زقزوقه هااا
ناديه….و الله اغرقك بالنسكافيه
ليله….والله ارميكي انتي و هي بره العربيه
نعيمه….بضحك خلاص اسكتي بدل ما تتحول علينا كله الا بنتها
نادين….انا سكت خلاص رحلتنا لسه طويله مش ناقصين تقلب علينا من اولها
ليله….ايوه احترموا نفسكم
بعد دقايق بسيطه وصلوا قدام بيت ليله كان عباره عن بيت دورين و دور ارضي ليه جنينه صغيره و باب خشب البيت ألوانه فاتحه و جميله لمحوهم واقفين في الجنينه مع بعض كلهم
دخلت عليهم ليله و هي مشغله أغنيتها المفضله بصوت عالي و بتضحك
ايمان……بضحك اهو المجانين وصلوا وست ليله بتثبت حضورها بأغنيتها
ضحكوا كلهم و فضلوا يرقصوا من بعيد
وقفت ايه قدام الباب وهي بترقص و بتغني
ليله عند الحبايب ليله ليله.
ليله نجيب اللي غايب ليله ليله.
ليله نضحك شويه ليله ليله.
ليله ننزل في المايه ليله ليله.
ليله نروح الجنينه ليله ليله.
ليله نروح مع بعضينا ليله ليله.
ليله نحكي حدوته ليله ليله.
ليله العيال مبسوطه..
