لقاء كارثي
نادين….ايوه
عسال….طب قوليلي هما دول اخواتك و لا انتوا أصحاب ؟
سمعوا صوت رعد قوي بره ضغطت نادين علي عينها بقوه و قبضت علي كفه اكتر
عسال….ارفعوا صوت الاغاني اكتر نادين ركزي معايا و مع الاغنيه متركزيش مع الصوت بره ده صوت عادي قوليلي اصحابك ولا اخواتك
نادين…..اصحابي بس اكتر اخواتي
عسال…..طيب بقولك ايه انتي عارفه مين اللي بيغني ؟
نادين….اااا لا
عسال….لا ركزي هتعرفي
نادين…..عمرو دياب
عسال….صح بتحبيه
نادين…اه
عسال…ايه اكتر اغنيه بتحبيها ليه
نادين…كتير
عسال…..طيب ركزي مع الاغنيه و انسي اللي بيحصل بره ماشي انتي كويسه و انتي بتسمعي نظمي نفسك اكتر
فضلت نادين مغمضه و بتحاول تعمل زي ما بيقولها بص عسال ليهم
عسال…..حد فيكم معاه هاند فري
نعيمه…اااا اه اه سلمي فين الهاند بتاعتك انا اديتهالك
سلمي….لحظه في شنطتي
جريت علي شنطتها طلعتها و قربت من عسال
عسال….وصليها بأي تليفون وشغلي اغنيه و عليها علي الاخر
سلمي….حاضر
وصلتها سلمي و أدتها ليه سحب أيده بهدوء من أيدها
عسال……نادين ركزي مع الاغنيه هحطلك الهاند اوك
هزت نادين راسها و حطلها السماعات في ودنها وفضلت مغمضه عينها و بقت احسن كتير
عسال…متقلقوش هي أحسن و لما يحصلها الحاله دي حاولوا ديماً تشتتوا انتباها يعني لو في صوت مش بتحبه سمعوها حاجه بتحبها و خلوها تركز معاها لو بتتعب من التراب تقفل كل حاجه و تحط ماسك أو اي قماش و يكون عليه مائه و تربطه شويه علي وشها خلوها تغمض عينها و علي طول نفسها هيظبط.
ليله….بجد شكراً اوي انا فكرتك دكتور
عسال….بابتسامه جميله دكتور مره واحده ده انا كنت فاشل و بنجاح بالعافيه
ابتسموا البنات و ضحكوا هما و الشباب
عسال….اه والله بس تقدري تقولي كده أن انا كمان كان عندي بانيك اتاك في فتره كده بس قدرت اخف منه الحكايه بسيطه بتواجهي الاول مشكلتك بالتشتيت و بعد كده بتواجهيها بجرأه اكتر لحد ما تتعافي منها يعني محتاجه شوية تعليمات كده.
نعيمه…..انت بردوا من التراب و الرعد و البرق
عسال…وهو ليقوم من علي التربيه و بيبتسم لااا من الضلمه بعد اذنكم هروح اغير هدومي بسرعه.
بصولوا البنات و هما مش فاهمين بيتكلم جد و لا بيتريق و راحوا الشباب كمان اللي اتغرقوا يغيروا لبسهم.
و للحديث بقيه……
