لقاء كارثي
ايمان….اه والله كويس اوي و الدنيا رايقه و الجو جميل انتي ايه اللي مصحيكي لحد الوقت ؟
ماريز…..قلقانه عليكم و قولت افضل صاحيه لحد ما توصلوا
ايمان….تفضلي صاحيه ايه بس يا زوزو احنا ماشين علي مهلنا يعني هنوصل علي قرب الضهر
ماريز….علي اساس اني مش عارفه سواقتك انتي و ليله
ايمان….والله العظيم ماشيين علي أقل من مهلنا يعني الطريق اللي بياخد ست و لا سبع ساعات هناخده في تسعه أو اكتر عشان المفروض الناس اللي في الڤيلا هيسلموها قبل الضهر كده فا ماشين براحتنا عشان منوصلش وهما لسه هناك كمان لسه في كذا ريست هنقف فيها
ماريز…..طيب عشان خاطري براحه و خدوا بالكم من بعض
ايمان….متقلقيش والله حاضر انتي ادخلي نامي و كل ما تقلقي اتصلي عليا هرد عليكي علي طول
ماريز….حاضر قولي للبنات واحده فيهم تفضل صاحيه و أتكلموا سوا عشان متناميش
ايمان….الاتنين صاحيين زي القرود و بعدين كفايه كلب ست ميلو اللي مش مبطل هوهوه لما زهقت منه و منها و هرميهم في الشارع
ماريز…..هو بيهوهو هو كمان ده الكلاب هنا مش مبطله صوتها جايب اخر الدنيا شكل الجو هيقلب زي ما قالوا
ايمان….هتعملي زي البومه ايه تقولي اكيد في مصيبه هتحصل عشان بيهوهو
ماريز…..لا بعد الشر انتوا بس خلوا بالكم من بعض
ايمان….حاضر يا حبيبتي يلا روحي نامي و ارتاحي و متفضليش صاحيه عشان بابا مش هينام وانتي قلقانه كده
ماريز….صاحي والله بيقرأ كتاب
ايمان…..شوفتي بقي طيب يلا روحوا ناموا شويه
ماريز…..ماشي يا حبيبتي يلا سلام
ايمان….سلام يا ست الكل
قفلت ايمان وهي مبتسمه
سلمي…..مش عارفه تنام طبعاً
ايمان…..عادتها ولا هتشتريها
ايه….زوزو بتقولك ايه علي ميلو
ايمان….بضحك بتقولي الكلاب مش مبطله زن زي سي ميلو
ايه…..اااااالله مش بقولك استر يارب
ايمان…..انا بقول انزل البت دي تركب مع ليله و نجيب نادين بدالها
سلمي….بضحك ما اسكتي يا بومه انتي شويه أو اقولك خدي ميلو في حضنك و نامي شويه
ايمان…..يبقي احسن والله
ايه….والله لا احرمكم من قعدتي اسيبكم و انام
ايمان…..اتمني والله
ضحكت سلمي و نامت ايه في حضن ميلو و كملت ايمان الطريق.
…………
في دهب في تمام الساعه السابعه صباحاً
اتصل ابن الريس سالم عليه وهو باين علي صوته أن في حاجه.
ادم…يبااااااه انت وين؟
سالم….ايش ودك بيه؟
ادم…ما وديه بس عمي يريدك تو
سالم….ايش فيه وش يريد
ادم….يباه ابن عمي سوي كونه مع ولد سليمان الجوييهل
سالم….ايش سوي مع ولد سليمان؟
ادم….فجعه بدِمس و الكونه سارت مع اللكبار و ولد عمي الكبير حافظ و سليم ولد سليمان طاحوا مع بعض و حافظ بجغه بخوصه و حندل عَلَه
سالم….و يش تقول انت وايش سار لولد سليمان؟
ادم…..مدري بس طب فهَ و حافظ هرب عالبر والكونه مهياش صغيره
سالم….بغضب قوطر قوطر انقلع عن وجهي .
……………..
عند البنات..
بعد ما عدت اول استراحه كملوا طريقهم تاني نامت نعيمه و فضلت نادين صاحيه مع ليله و نامت ايه و فضلت سلمي ماسكه نفسها عشان متسيبش ايمان لوحدها كانوا ماشين وراء بعض ليله قدام و ايمان وراها علي طول..
فضلوا كملين بهدوء الساعه كانت لسه سابعه الصبح و مش حابين يزودوا السرعه عشان ميوصلوش بسرعه و يلاقوا لسه الناس في الڤيلا .
الجو كان هادي خالص السماء صافيه بس كل شويه كان الجو بيبرد و الهواء كان قوي و كل شويه يزيد
ليله كانت سرحانه مع اغنيه هاديه و فجأه قربت راسها من الزجاج اللي قدامها لمحت طيور كتير بتطير مع بعض علي الشمال كمية مش معقوله و مش بتخلص أسراب وراء بعض
ليله…..نادين بصي الحمام اللي في السماء قد ايه ؟
نادين……ايه ده كله رايحين فين دول و ليه كتير كده
صحيت نعيمه و بصتلهم
نعيمه….في ايه ؟
ليله….بصي الحمام قد ايه؟
نعيمه…..ده حمام ؟ ايه كل ده
راحت ليله علي اليمين و فضلت تضرب بالكلاكس لايمان
ركزت ايمان معاها و طلعت بالعربيه جنبها
ايمان…..في ايه ؟
سلمي…..ااااايه بتقولي ايه؟ مش سامعه من الهواء !
ليله….بصوا فوووق
نادين…..وهي بتشاور علي السماء فووووق فوق
بصوا الاتنين وصحيت ايه علي صوتهم بصوا علي السماء الطيور كانت عامله زي سحابه سوده أو سجاده لونها غامق و واخده مساحه من السماء بشكل رهيب
ايمان……ايه كل ده ماشاء الله
سلمي….شكلهم مهاجرين
ايه……بس دول كتير اوي
سلمي…..ايوه ما هي الطيور بتهاجر مع بعض في أسراب كبيره
ايه….بس شكلهم مرعب علي فكره
ايمان….ليه شكلهم حلو والله انا اول مره اشوف طيور بالكميه دي
سلمي…..وانا كمان انا بشوفهم في الڤيديوهات بس .
كملوا طريقهم تاني و بعد نص ساعه قربوا علي استراحه ولمحوا من بعيد شباب واقفين قدام الاستراحه بتدخل كل حاجه بسرعه جوه المكان و بتقفل و بيشاوروا العربيات تكمل و متقفش.
ليله….هو في ايه ؟
نعيمه….معرفش شكلها حادثه أو في مشكله
نادين….حادثه ايه الطريق قدامك فاضي دول بيمشوا العربيات و بيقفلوا
قربت ايمان من ليله ونزلت الزجاج اللي جنب سلمي.
ايمان……ليله هو في ايه ؟
ليله….معرفش
قربوا اكتر من الشباب
قرب شاب من شباك نعيمه.
الشاب…..كملوا الطريق الاستراحه بتقفل
نعيمه….هو في حاجه يا كابتن؟
الشاب…..مش عارف والله بس الريس قال لازم نقفل بسرعه
جري الشاب لباقي العربيات مع باقي الشباب و بصوا البنات لبعض
مسكت ليله الموبايل و اتصلت علي ايمان.
ايمان….ايوه يا ليله في ايه ؟
ليله….معرفش يا ايمي بس بقولك ايه خلينا نشد شويه علي الطريق
ايمان…..هو الولد ده قالك حاجه ولا ايه انا مسمعتهوش
ليله….بيقول الريس بتاعهم قالهم لازم نقفل و بيمشوا العربيات زي ما شوفتي بصي انا مش متطمنه و اضح كده أن الجو ممكن يقلب زي ما قالوا
ايمان….انا حاسه بردوا الهواء بقي جامد فجأه و حاسه انها بردت
ليله…..ابوه كمان الحمام اللي كان طاير ده واضح أنه بيهرب من حاجه خلينا نسرع علي قد ما نقدر
ايمان…..ايوه بس كده هنوصل بسرعه و اكيد الناس هتبقي موجوده
ليله….مش مهم يا ايمي حتي لو هتفضل قدام الفيلا في العربيات بس هيبقي امان اكتر من الطريق
ايمان…..طيب تمام ماشي بس بردوا براحه علي الطريق
ليله…..ربنا يستر يلا خليكي ورايا بسرعه
ايمان….اوك انا وراكي سلام
ايه….قالتلك ايه ؟
ايمان….بتقولي شكل الجو فعلاً هيقلب
سلمي…..تفتكروا الطيور دي كانت بتهرب من حاجه اصل اللي اعرفوا أن الحيوانات والطيور بيحسوا
ايه….ما انا قولتلكم ميلو مش ساكت اكيد في حاجه
ايمان….ربنا يستر احنا هنشد شويه و حتي لو وصلنا بدري مش مهم
سلمي….احسن بردوا
كملوا طريقهم لكن كانوا متوترين حتي باقي العربيات اللي كانت علي الطريق شدت اكتر علي الطريق..
الساعه بقت ثمانيه صباحاً و لسه علي الطريق ساعه كامله عدت من اخر استراحه غريبه وقفوا عندها من غير اي قلق علي الطريق لكن الهواء كان بيزيد شويه بشويه و بعد مرور نص ساعه كمان بدأ الوضع يتغير اكتر الهواء
زاد اكتر مكانش عادي و التراب كان مبهدل الطريق و الرؤيه مكانتش واضحه اوي و لون السماء الصافي اتحول للون الأصفر.
نعيمه…..ليله خفي السرعه شويه عشان التراب ده
ليله….انا خففتها خالص ماشيه علي سبعين بس بحاول مهففش اكتر من كده عشان نوصل بسرعه
نادين…..معلش بس احسن ما نخبط في حاجه
ليله….متقلقيش الطريق لسه واضح قدامي
في عربية ايمان.
سلمي….بجد غريب الجو اوي ازاي في لحظه اتحول كده
ايه…انا خايفه اوي
ايمان….متخافيش هو الخريف كده بيقلب الجو في لحظه الوقت تمطر و تلاقي الجو بقي احسن
رن موبايل سلمي كان والدها
سلمي…..ده بابا بيتصل
ايه….اكيد بيطمن عشان الجو شوفي عنده في حاجه ولا لا
سلمي….الووو
احمد…..ايوه يا سلمي ايوه يا حبيبتي انتي فين كده ؟
سلمي…احنا لسه علي الطريق يا بابا موصلناش ايه اللي صحاك
احمد….حصل زلزال قوي صحاني من النوم
سلمي….بخوف ايه زلزال طب طمني انت كويس
احمد….اه اه اطمني انا بخير قوليلي بس انتي و ايه والبنات بخير طمنيني اخبار الجو ايه الدنيا هنا مقلوبه
سلمي….بارتباك ااا مفيش كله زي الفل هو في ايه عندك ؟
احمد….تراب جامد و هواء شديد صوته في المناور مرعب و بعدين حصل الزلزال كانت هزه قويه محستوش بيها ؟
سلمي…..لا احنا علي الطريق محسيناش بأي حاجه بس متقلقش الدنيا هاديه مفيش اي حاجه
احمد….طيب يا حبيبتي خدوا بالكم من نفسكم و طمنوني عليكم الوضع مش بخير خالص
سلمي….متقلقش علينا يا حبيبي المهم خد بالك من نفسك و لو في اي قلق متفضلش في البيت
احمد…متقلقيش ربنا يسترها خدوا بالكم من بعض و طمنيني لما توصلي
سلمي….حاضر يا حبيبي
احمد…..مع السلامه
سلمي…..سلام
ايمان…..هو في ايه زلزال ايه ؟
سلمي…..بقلق معرفش بيقولي في زلزال حصل صحاه من النوم و بيقولي الهواء والتراب مبهدلين الدنيا انا قولتله كله تمام عشان ميقلقش
ايه…..طب احنا محسيناش بالزلزال ليه
ايمان…..عشان في العربيه و العربيه بتتحرك اكيد مخدناش بالنا ياتري ماما حست بيه ولا نايمه
ايه…..ادام متكلمتش يبقي نايمه
ايمان…..انا قلقانه عليهم اوي بابا نومه خفيف اوي و ماما كمان ازاي محسوش مش عارفه المهم اطمن ولا بلاش
سلمي…..بلاش يمكن نايمين بلاش تقلقيهم
رن موبايل ايمان في الوقت ده
ايمان…..اهي بتتصل ربنا يستر الوووو
ماريز…..ايوه يا ايمان طمنيني عليكم الجو قلب خالص و حصل زلزال من دقايق
ايمان…..مفيش اي حاجه عندي يا ماما انا لسه علي الطريق بس خلاص قربت يعني قدامي يمكن ساعه او ساعه إلا و اوصل
ماريز…..مش قولتي هتزصلي علي الضهر
شوفتي بقي انك بتضحكي عليا و سرعتي ازاي
ايمان…..خالص والله بس الطريق قدامي فاضي و مش زحمه فا ماشيين و موقفناش غير في استراحه واحده عشان كده قربنا نوصل المهم انتوا بخير حصل اي حاجه
ماريز…..لا محصلش كلنا بخير كان هزه قويه بس مطولتش لكن الرياح بره شديده و التراب عادم الدنيا ازاي عندك مفيش حاجه
ايمان…..مفيش غير هواء بس هواء مش قوي يعني بس الطريق صافي قدامي متقلقيش و محسيناش بأي زلزال
ماريز…..طيب خدوا بالكم من نفسكم و طمنيني اول ما توصلي انا مش هنام انا وابوكي قلقانين عليكم اوي
ايمان….متقلقيش والله احنا تمام عموما اول ما اوصل هكلمك اوك
ماريز…..طيب تمام يلا سلام يا ايمي
ايمان…..سلام يا حبيبتي
سلمي….ايه حسوا صح
ايمان…اه صوتها متوتر اوي
ايه….كله كاتب علي الفيس والانستا علي الزلزال و علي الجو و كمان بيقولوا ان احتمال الوضع يتدهور اكتر
ايمان….ربنا يستر لازم نشد اكتر
سلمي……ربنا يستر
…………………….
في عربية ليله.
نادين…..طيب احنا كده هنوصل بدري هنقعد فين اكيد مش هنقعد في الڤيلا و هي فيها ناس صح
ليله….نوصل بس اهم حاجه و نبقي في امان بدل ما الجو يقلب اكتر بس لو اضطرينا هندخل امال هنعمل ايه
نادين….طيب هما المفروض هيمشوا بعد ما نستلم منهم الڤيلا ازاي هيمشوا في الجو ده
نعيمه….يعني هو الجو هيفضل كده ساعه بالكتير و هيهدأ
نادين….يهدأ ايه كله كاتب ان احتمال الوضع يتدهور اكتر و الكل بيحذر اكيد لو الوضع ساء صعب يمشوا هنعمل ايه وقتها
نعيمه…..دي مش مشكلتنا بقي كده كده هما آخرهم انهارده و هيسلموا و يمشوا لو الوضع ساء يتصرفوا هما
ليله….نوصل بس و نشوف الدنيا فيها ايه ولو الوضع ساء اكيد الريس سالم هيشوفلهم صرفه في اي مكان تاني
نادين…..طيب
مر حوالي ساعه كمان و بقت الساعه تسعه و نص و الجو كان قلب اكتر الرؤيه بقت ضعيفه بسبب التراب اللي خلي لون السماء اصفر و الرياح بقت فظيعه
وقفوا قدام الڤيلا المفروض كانوا يستلموا منهم المكان الساعه 12 اتصلت ايمان علي امها تطمنها انها وصلت و اتصلت سلمي علي ابوها طمنوهم و محبوش يقولهم أن الوضع مش كويس اكتفوا بس أن الجو في هواء و تراب.
فضلوا قاعدين في العربيات وقافلين الشبابيك خصوصاً عند ليله عشان نادين بيحصلها بانيك اتاك من التراب و مش بتقدر تسيطر علي نفسها
في نفس التوقيت ده صحيوا الشباب من صوت الهواء و التراب اللي دخل عليهم عشان كانوا سايبين الشبابيك مفتوحه قاموا بسرعه قفلوا كل حاجه و طلعوا تاني علي اوضهم عشان ياخدوا شاور و يجهزوا شنطهم علي امل ان ساعه بالكتير أو ساعتين الجو يظبط علي ما يجي معاد تسليمهم الڤيلا للرئيس سالم.
ساء الوضع اكتر و الرياح بقت أشد الشجر و النخل كانوا بيتحركوا بشكل مرعب البحر كان عالي جداً و بدأ يحصل برق و رعد قوي.
ليله…..نادين اهدي و بلاش تتوتري و تورينا الله يخليكي
نادين…..حاسه اني مش قادره اتنفس يا ليله
نعيمه…..الشبابيك كلها مقفوله اهدي انتي بس
ليله…..انا فاتحه التكييف كمان التنفسي بهدوء الله يخليكي و نظمي نفسك
نادين….مش قادره
نعيمه….استني افتحي ايدك و اغسلي وشك بالمائه عشان تهدي
فضلت ليله باصه عليها و هي متوتره حست أن نادين مش قادره تتنفس
ليله….نادين ركزي معايا و التنفسي بهدوء غمضي عينك شويه و متركزيش بره
صرخت نعيمه اول ما سمعت صوت رعد قوي
نعيمه…..لللللليله
ليله….بس بس ده رعد اهدي
نعيمه….لا كده كتير انا مرعوبه
نادين…..ليله مش قادره اتنفس يا ليله
ليله…..ابعدي يا نعيمه ابعدي
قامت ليله من الكرسي بتاعها و عدت وراء قعدت جنبها
شافوها البنات و هي بترجع عشان عربياتهم جنب بعض
ايه…..هو في ايه مالها ليله
ايمان….نادين شكلها تعبت
سلمي….طب وبعدين هنفضل كده نادين بيجيلها بانيك اتاك من التراب
ايمان…..طب ايه مش عارفه نعمل ايه انا بقول اتصل علي ليله تكلم اللي اسمه سالم ده يشوفلنا اي مكان نقعد فيه شويه لأن نادين لو فضلت في العربيه كده هيجرالها حاجه
سلمي….ايوه ياريت كلميها طيب.
ايه…..هي بتمطر و لا ايدك جات علي المائه بتاعت المساحات
ايمان….بصت علي الزجاج لا دي بتمطر
و فجأه المطر زاد و كل ثانيه تعدي يتضاعف حجم المطر اكتر
سلمي…ايه ده ايه ده بسم الله الرحمن الرحيم
ايمان….ده تلج
ايه….بصريخ الزجاج هيتكسر
ايمان….بصوت عالي اهديييي اهدي
وفجأه لقوا ليله نازله من العربيه بسرعه
و البنات كمان نزلوا وراها و شاورتلهم ينزلوا بسرعه
ايمان….انزلوا بسرعه
سلمي….ننزل فين الثلج هيعورنا
ايمان….انزلي بقولك بسرعه
فتحوا الابواب ونزلوا بسرعه.
ايمان….هنروح فين
ليله….نادين تعبانه مينفعش افضل في العربيه خلينا نروح علي الڤيلا ندخلها حتي هي و نقف احنا تحت التنده الخشب اللي في الجنينه يلا بسرعه.
دخلوا بسرعه علي جوه و علي ما دخلوا كانوا اتغرقوا بالمطر و الكل مرعوب و ايمان اتعورت في كفها من الثلج و سلمي اتخبطت جامد في راسها
سلمي….اااااه
ايمان…..ااااه
نعيمه….أجروا بسرررررررعه يا بنات
جريت بسرعه ليله و قربت من الباب و نعيمه كانت ماسكه نادين و ايه وراهم هي و ايمان و سلمي كان في كراسي و شمسيه و كراسي شازلونج بتاعت البحر كله كان بيتحرك من مكانه بسبب الهواء
وقفت قدام الباب و خبطت مره و بعدين خبطت مرتين وراء بعض و بعد كده فضلت تخبط بأيدها و توقعت إنهم مش سامعين من صوت الهواء والمطر و الرعد
نزل عسال بسرعه اول ما سمع الباب و كان وراه حسان و باقي الشباب خرجوا من الاوض و راهم.
قرب بسرعه عسال علي الباب و فتح الباب و اول ما شاف البنات قدامه اتفاجئ و عينه جات علي نادين اللي كان باين عليها أن هي فيها حاجه الخوف والتوتر كان باين جداً علي البنات متبهدلين من المطر و الجو وراهم مرعب قرب حسان بسرعه وقف وراء عسال.
ليله…وهي باين عليها الارتباك انا اسفه جداً بس احنا اللي المفروض نستلم الڤيلا بعدكم انا عارفه أننا المفروض نيجي بعد كده بس الجو زي ما انت شايف
وأضطرينا أننا نسرع شويه علب الطريق و بجد اسفين احنا جينا بدري ساعتين و اكيد انتوا لسه معاكم وقتكم انا بس طالبه منكم أنها تدخل جوه معاكم عشان هي أصل
عسال….اهدي اهدي براحه ادخلوا طيب
ليله…لا لا احنا مش حابين نزعجكم
حسان…تزعجونا ايه الجو وحش اتفضلوا
ايمان…..احنا اسفين بجد المفروض نوصل قبل الضهر بحاجه بسيطه بس اضطرينا احنا بس عايزين نادين تدخل لأن هي تعبانه اوي و مش هتقدر تفصل في الجو ده احنا ممكن نفضل في العربيه او هنا لو ممكن تحت التنده الخشب.
في الوقت ده كان الشباب كلهم نزلوا و فضلوا واقفين يسمعوا ويشوفوا اللي بيحصل من وراء نادين حالتها كانت بتسوء و نفسها رايح قربوا الشباب اكتر من الباب.
حسان…..تفضلوا بره ازاي ادخلوا جوه يلا
عسال…..دخلوها بسرعه سلامه هات مايه بسرعه
فضل….ادخلوا يا جماعه الجو صعب اتفضلوا
ايمان….طيب معلش طلب كمان هو احنا ممكن ندخل العربيات جوه هنا
ليله….معلش العربيات فيها حاجتنا كلها و لو فضلت بره ممكن تغرز في الرمل يعني هنروح ندخلها بسرعه هنا
عسال…..هاتوا المفاتيح وادخلوا انتوا
ليله….الجو وحش مش عايزين نتعبكم
حسان….تتعبونا ايه ادخلوا وانتي كمان ادخلي ايدك متعوره
بصت ايمان علي كفها كان بينقط دم
عشري….ادخلوا بسرعه فضل دخلها تغسل أيدها و شوف ايه اللي عورها
ايمان….بسيطه بسيطه واضح أنه الثلج
عسال خرج ركب العربيه بتاعت ليله و حسان ركب عربية ايمان
ضغط عسال علي الكلاكس و فتح الشباك
عسال…..رشييييييد دخل العربيات بتاعتنا لجوه اكتر
رشيد…..طيب طيب ثواني
جري رشيد بالمفاتيح هو و عشري كل واحد فيهم ركب عربيه دخلوهم علي جنب الڤيلا كانت زي طرقه طويله بيتركن فيها العربيات دخلوا العربيتين لجوه دخل عسال بعربية ليله ركنها وراء عربياتهم جري عشري بعد الكراسي اللي واقعه و دخل حسان بالعربيه بتاعت ايمان.
عشري…..عسال عرفهم أن الجو بيبوظ اكتر من لهم شنطهم احسن و لا ايه
عسال…..ماشي لحظه
جري عسال علي جوه سلمي اللي كانت قدامه
عسال….يا انسه الجو بره ضايع خالص و ممكن يسوء اكتر ايه رأيك انزل شنطكم احسن
سلمي….ااااا مش عارفه
ليله….اه اه خلينا نجيبها احسن ايه تعالي معايا انتي و نعيمه
عسال…..خليكم انتوا احنا هنجيبها
ليله….ايوه بس شنط ايدنا و الموبايلات في العربيه
عسال….خليكم هنجيب كل حاجه
جري عسال هو و رشيد و عشري و حسان فضلوا ينزلوا في الشنط و يدخلوها و جابوا موبايلاتكم و شنط ايدهم و كل حاجه شافوها قدامهم اتغرقوا مايه المطر بهدلهم مكانش مطر عادي كان سيول و الثلج نزل علي رأس عشري عوره
رشيد…..عشري ادخل انت راسك اتعورت
عشري…..بسيطه مش مهم يلا بسرعه.
عشر دقايق بالظبط و كل حاجه دخلوها و دخلوا هما كمان و هما غرقانين و عشري راسه متعوره و الدم نازل مع المايه اللي فرقته
ليله…..يا نهار اسود انت متعور
عشري….حط أيده علي راسه عادي عادي بسيطه مش كبيره جرح صغير
خرج فضل من المطبخ هو و ايمان
فضل……اضغطي علي ايدك بالمنديل
سلمي….وهي ماسكه راسها جرالك حاجه ؟
فضل….لا متخافيش جرح بسيط وريني راسك يا عشري
عشري…..مفيهاش حاجه هات منديل بس
نعيمه….لسلمي وريني راسك طيب
رشيد…..هي اتعورت
نعيمه….معرفش
سلمي….لا بس الثلج نزل علي راسي بس مفيش دم
عسال…..سلامه هات ثلج لو في في الفريزر تحطه علي رأسها عشان متورمش
سلامه….مفيش ثلج هنا
سلمي….انا كويسه خلاص متقلقوش
ليله….ايمان الحقيني نادين مش قادره تتنفس
سلامه….ابعدوا عنها يا جماعه طيب عشان تتنفس
رشيد…..هي تعبت ليه؟
ليله….من التراب والجو
فضل….عندها ربو أو اي حاجه في التنفس طيب
ليله….بخوف لا هي بيحصلها بانيك أتاك من التراب و الجو لما بيكون كده هي بتخاف
عسال…..طيب ابعدوا عنها بسرعه
قرب عسال منها وقعد قدامها علي التربيزه
عسال….سلامه افتح السماعات و شغل اي اغنيه و عليها بسرعه بص لنادين اااا بصيلي خليكي معايا هاااا ركزي مسك أيدها و يصلها في عينها غمضي عينك
بصتلوا نادين و هي مش قادره تاخد نفسها
عسال….اسمعي الكلام غمضي عينك خدي نفس بهدوء و خارجيه بهدوء عدي من واحد لعشره في سرك يلا اعملي زي ما بقولك
شغل سلامه السماعات علي اغنيه و رفع الصوت اوي
عسال…..ركزي مع الاغنيه و خلي عينك مغمضه متركزيش مع الصوت بره انتي كويسه علي فكره مش فيكي اي حاجه رشيد اقفل الستاير اسمعيني ياااا انتي اسمك ايه
ليله…نادين اسمها نادين
عسال…..ردي عليا اسمك ايه
نادين…..بتعب واضح نادين
عسال…..اسمك حلو علي فكره اوي
اسمك نادين ايه ؟
نادين….نادين علي
عسال…..بتشتغلي نادين ؟
نادين سكتت قبض عسال علي أيدها اكتر
عسال….يلا ركزي معايا و ردي بتشتغلي؟
نادين…هزت راسها ايوه
عسال…..بتشتغلي ايه ؟
ليله…بهدوء بصت سلامه هو دكتور ؟
سلامه…..بصوت واطي لا بس مر بنفس تجربتها و كان عنده بانيك اتاك و بيعرف يتعامل معاه كويس
بصتلوا ليله و بعدين بصت تاني لنادين
نادين…ايوه بشتغل
عسال….بتحبي شغلك
