لقاء كا.رثي

لقاء كارثي
أميره أسامه
صاحبة البطل الواحد

. البارت الخامس و التسعين .

………………………

قربت سلمي من حسان و هي مش في احسن حاله رسمت علي ملامحها هدوء غير طبيعي عشان ميحسش
قعدت بهدوء و قعدت قدامه….

سلمي…اسفه اتأخرت عليك

حسان….لا و لا يهمك ها كنا بنقول ايه

سلمي…ااا يعني مش عارفه

حسان….بابتسامه مش عارفه ولا زعلانه مني

سلمي….انا مش زعلانه منك يا حسان انت اللي زعلان

حسان….و انا مش زعلان يا سلمي انتي اللي خدتي مني موقف

سلمي….موقف ايه اللي هاخده منك يا حسان هو مفيش حاجه حصلت اصلا انا حبيت بس اقترح عليك حل يريحك فهمتني غلط

حسان…..سلمي انا مش صغير علي فكره و اقدر افهم بسهوله الكلام اللي خارج منك خارج ازاي و معناه ايه

سلمي…..حسان انت ليه مكبر الموضوع كده

حسان…..حبيبتي مفيش مواضيع اصلا عشان اكبرها بس انا بقول اللي حسيته مش اكتر

سلمي….وانا بقولك احساسك غلط انا كلامي كان واضح شيفاك قلقان قولتلك سافر

حسان….طريقتك مضيقاني يا سلمي

سلمي….انت اللي حابب تضايق يا حسان انا طريقتي مفيهاش اي حاجه كان ممكن ببساطه الحل بتاعي معجبكش قولي معجبنيش و خلاص كان الموضوع اتقفل بس انت اللي كنت متعصب

حسان…..يا سلمي انا مش متعصب بس افهميني انا قلقان علي هنا مش اكتر و شادي من كلامه كان قلقان علي علي تولد في اي وقت هو بيقول انها تعبانه و عايز يوصلي بطريقته اني لو ناوي اطول في السفريه متأخرش عشان لو ولدت هنا تبقي معايا انا يمكن مفكرتش قبل كده في وضع هنا لما امها تولد لاني مجربتش الشعور ده قبل كده معرفش هتبقي مبسوطه و فاهمه و لا هتخاف و غلط وجودها مع علا عشان نفسيتها مركزتش اصلا في الحوار ده قبل كده غير لما شادي كلمني و قالي ان علا مش عايزه هنا تبقي معاها عشان متخا…فش و والدتها هتبقي معاها فا الطبيعي اني اخد البنت فا عشان كده كنت متو…تر انا مش عارف يا سلمي انتي فهمتي توتري ده باي شكل بس اللي وصلي منك غير كده

سلمي…..وصلك ايه يا حسان

حسان….نتكلم بصراحه ولا هتز…علي

سلمي….لا اتكلم يا حسان

حسان….تمام وصلي يا سلمي انك ترجمتي قلقي و تو؟؟تري ده علي علا مش علي هنا

سلمي…ااا حتي لو اتوترت او قلقت عادي علي فكره دي حاجه متزعلنيش في النهايه دي كانت مراتك و في بينكم عشره