لقاء كا.رثي

سلمي….بهدوء ااا تمام يا حسان اوك

حسان……بابتسامه هاديه طيب نقوم نقعد معاهم و لا مش عايزه

سلمي…ااا طيب روح وانا هروح كده اتكلم مع تامر شويه يعني حاسه انه مش في المود من وقت ما اتكلم عن موضوعوا القديم ده فا كنت حابه اخده و نتمشي شويه بره

حسان…..طيب يا حبيبي روحي يلا وانا هقوم اقعد معاهم لحد ما تيجي

سلمي…..اوك مش هتأخر

حسان ….براحتك يا قلبي بس حطي حاجه علي كتفك الجو بره هيبقي بدر اكتر

سلمي…..لابسه كويس متقلقش

حسان….طيب يلا قومي

قام حسان وقف و هي كمان وقفت بصلها وابتسم و قرب باس راسها

حسان…..بحبك يا مجنونه

سلمي….بابتسامه بسيطه و انا بحبك اوي

ابتسم حسان وهو راح يقعد مع الشباب و هي راحت تاخد تامر من وسطهم.

ليله…..عينها كانت علي سلامه اللي واقف متحركش كأنه واقف يحرس الڤيلا عشان تامر ميطلعلهاش كانت خايفه عليه و خايفه منه خايفه يحصل اي حاجه عموما لاول مره تحس انها واقفه عاجزه قدام مشكله تخص حد من صحابها كانت شايفه ان المشكله دي بالذات لو كبرت توابعها هتبقي كتيره اوي و اكتر اتنين كانت خايفه عليهم في كل الليله دي ايه انها تتصدم في تامر و تنهار و في احمد لو شاف مشكله زي دي بتكبر مع ولاده يجرالوا حاجه

كان نفسها تقول كلام كتير لسلامه عشان علي الاقل تهديه و تخليه يرتاح شويه و تمتص غضبه بس مكانتش قادره و معندهاش كلام تقولوا و مش قادره اصلا تفتح معاه الموضوع لان سلامه حتي مقلهاش حاجه لاخر لحظه كانت بتقنع نفسها ان هو مش عارف وطلبوا منها كان طلب عادي بس مقدرتش تكدب قلبها و عينها اللي شافت سلامه في حاله مرعبه..

ايمي….ولا انتي رايك ايه يا ليله

رشيد…..بابتسامه ليله اكيد عايزه حاجه اكبر من الهرم بكتير معلش البلطجيه بتاعتنا مش هترضي باي حاجه

ايمي….والله هي ميغلاش عليها حاجه يا حبيبي صح يا لولي

عشري….تشاور هي بس و اللي تطلبه هيتنفذ

رشيد….شكلها بتفكر في حاجه كبيره حاسس انها هتقولك انا عيزاك تفضيلي الجونه و تأجرها من نجيب ساويرس عشان تعمل الفرح كام يوم

ايمي….ليللللله

بصت ليله علي ايمي

ليله….ايه

ايمي…احييييه دي مش معانا

رشيد….مش سمعانا ولا ايه

ليله…..ااا لا معاكم بس سرحت شويه بتقولوا ايه

ايمي…اللي واخد عقلك

عشري…..بابتسامه سرحانه في ايه