لقاء كا.رثي

بس خلاص كان الوقت فات و اتكتب كتابها اتكلمت معاك حاولت اهديك و طلبت منك تنسي خلاص وانت اقتنعت و وعدتني تنسي اللي في دماغك ده و من خمس سنين فاتوا انا اديتلك الامان اقنعتني بطريقه مبهره ان ايه مبقتش في دماغك و انت كنت بتضحك عليا لدرجه اني عمري ما شكيت فيك و لا شكيت انك مش بتطول في اي علاقه وثقت فيك و خلتني فكرت انك نسيتها انت ازاي تعمل كده ازاي طلعت كده اصلا انا حاسه اني مش عرفاك ازاي يكون جواك مشاعر لايه لحد الوقت ده و سامح لنفسك تقرب منها و تحضنها و تلمسها تدخل عليها اوضتها متحترمش البني ادم اللي في حياتها وتقول احط حدود علي الاقل قدامه لانه عارف اني ابن خالتها مش اخوها و جايز يغير او يضايق أزاي انت اناني كده ازاي مش بتحب غير نفسك و لا بتفكر غير في اللي يرضيك ازاي بتستغل حبها ليك و هي شيفاك اخوها الكبيررر السندددد الضهر العوض من اهلها اللي اتحرمت منهم ازاي قدرت تبص لنفسك في المرااايا يا حيوااااان و هي قاعده في بيتنا واثقه و مأمنه ليك تنام و تصحي و انت معاها و هي بتتعامل معاك بحسن نيه و انت من جواك وووووسخ ازاي بتقول انك بتحب سلامه و بتعتبره اخوك و انت بتحب البنت اللي هتبقي مراته يا قذرررر

ازاي مصعبتش عليك و هي واثقه فيك ثقه عمياء طيب متكسفتش من نفسك مقولتش لنفسك مره ايه القرررررف اللي انا بعملوا ده لما انت حبيب اوي كده و بتعرف تحب كنت فين انت طول السنين اللي فاتت ما كان قدامك فرصه بعد ما جوزها مات ليه مروحتش قولتلها ليه مصارحتهاش او حتي يا اخي لمحتلها ليه مقولتش دي اشاره من ربنا انها ممكن تكون من نصيبي خليني اكون محترم و اروح اقولها مشاعري الحقيقه من ناحيتها ليه استنيت لما تفتح قلبها مره تانيه كان قدامك فرصه بس الوسخ بيعمل كل حاجه في السر و انت وسخ يا تامر

بس انت عارف يا تامر انت ليه مستغلتش الفرصه و ليه مروحتش وقفت قدامها و قولت لازم ابقي راجل و اصارحها بمشاعري تجاهها لانك عارف ان أيه لا يمكن تحبك بجد بتشوفك اخوها الكبير كنت عارف مشاعرها من ناحيتك و متكسفتش علي دمك و قولت عييييب خليك راجل دي اختك و اتربت معاك و هي بتعتبرك اخ و انت كنت بتشوفها بعين تانيه يا اخي ده انت مثلت دورك صح لدرجه ان يوم ما الورقه بتاعت شغلك ضاعت و مسكتها طلعت غضبك فيها خلتني مشكتش فيك لحظه قولت عادي مش اول مره تتخانقوا سوا و كلامه عن خروجها مع سلامه مش اكتر من عصبيه عاديه مكنتش اعرف انها تلكيكه يا قذرررر لمشاعرك اللي جواك.