لقاء كا.رثي

الحب من طرف واحد مش نهاية العالم لكن الهروب منه ممكن يكون بداية ضياع جديد

عارف ليه يا تامر ؟ لأنك هتاخد وجعك معاك هتسافر بيه هينام جنبك علي السرير هيصحى معاك في أول يوم هناك هتحس إنك غريب مش عشان المكان جديد لأ
لانك سايب نسخة متكسرة منك وراك ولسه مش قادر تمد إيدك تطيبها.

بصت سلمي بدموع لتامر و مسكت ايده و هي بتهز راسه كأنها بتقوله اسمعوا معاه حق.

سلامه….و حطها في دماغك يا اخويا مفيش حد بينسى لما يمشي الناس بتنسى لما تستوعب لما تفهم ليه اتعلقت بحاجه مش ليها من البدايه مش هتنسي الا لما تسمح لوجعك يعدي بدل ما تحبسه.

وصدقني لما قلبك يهدي هتعرف إن السفر مش الحل وإن الهروب مش طريق وإن أقوى واحد هو اللي يقف مكانه ويبقي عارف انه هيقدر يعدي من اللي جواه ده

وأكتر لحظة قوة في حياتك هتعيشها هي اللحظة اللي هتلاقي قابك فيهابيرفض إن الوجع هو اللي يتحكم فيك وفي خطواتك

فكر يا تامر في كلامي ركز فيه واجه نفسك و انا عارف انك هتقدر و هتفهم و مع الوقت هتكتشف ان اللي جواك مكانش حب و انك ظلمت نفسك مظلمتش اي حد غيرك

مش هتسافر و مش هتبعد عن ابوك و عن اخواتك ولا هتروح تقعد فتره شغلك عند حسان هتفضل في بيتك و سط اهلك و صدقني انا واثق فيك و بثق فيك و عمري ما خوفت منك مشاعري كانت غيره طبيعيه لكن مش خوف منك لانك راجل و متربي و عارف الاصول كويس و لو علي مشاعرك اللي جواك اللي انا واثق انها مش حقيقه فا هي غصب عنك لانك بني ادم طبيعي معملش حاجه غلط غير انه حب ايه معاك في امان وانا مطمن عليها مش عشان انت هتعمل حسابي لا عشان هي اختك و انت بتحبها و بتخاف عليها و لا يمكن تأذيها عشان ثقتها فيك الكبيره انت مستحيل تخذلها و مش عايزك تزعل من سلمي دي اختك و بتحبك و خايفه عليك و خايفه علي ايه و خايفه علي علاقتكم الجميله دي تبوظ صح يا سلمي

سلمي….بدموع هزت راسها صح تامر والله العظيم يا سلامه مش عشان اخويا بس تامر حد جميل اوي لا يتستاهل اللي بيعملوا في نفسه و لا يستاهل انه يتوجع من اي حد بكلمه

سلامه…..عارف يا سلمي عارف هو بس تايه جوه نفسه و محتاج يدور علي نفسه كويس و انا عارف انه هيلاقيها صح يا تامر

تامر….بهدوء و هو دموعه نازله انا اسف يا سلامه بجد اسف شكراً علي كل حاجه شكراً انك سمعتني و فهمتني شكراً انك قدرت تبقي بالثبات ده اصلاً انا مش عارف اقولك ايه غير اني مكسوف منك و من نفسي