لقاء كا.رثي

سلمي…..مين قالك اني غيرت او اضايقت انت ليه شايف الموضوع بالشكل ده كل ده عشان قولتلك ارجت خلاص يا حسان لو هترتاح اكتر اني اقولك اه اضايقتك واه غيرت و اه علاقتك بعلا انا مضطره اتحملها و مترجعش فا اديني بقولهالك اهو حلو كده مبسوط

بصلها حسان و هو عمال يضغط علي فكه.

حسان…..انتي فيكي ايه ؟ ايه الكرقه والاسلوب ده بجد انا مش فاهمك يا سلمي انا بحاول اتكلم معاكي بهدوء مع ان المفروض اكون متعصب منك لانك مش بس فهمتيني غلط لا انتي بتحاولي تأكدي ده عليا بصي يا سلمي انا لا عايز اتعصب و لا عايز اضايقك ولاخر لحظه هقولهالك تاني انا محترم مشاعرك لابعد منطقه ممكن عينك تجيبها مقدر اوي ان في حجات ممكن تضايقك في حجات هتتحمليها غصـ,ـب عنك بس انا مش عايز كده عايزك بس تعرفي ان علا متخصنييييييش هي لو تخصني كان زماني معاها لحد انهارده بس علا طليقتي من خمس سنين و علاقتي بيها محصوره في بنتي لا اكتر و لا اقل…

انا هقفل الموضوع و مش هتكلم فيه تاني عشان اللي عندي قولته انتي بقي مع نفسك كده خدي وادي و شوفي طريقتك و قارنيها بطريقتي شوفي مين صح و مين غلط شوفي ايه اللي يرضيكي و انا هعملوا

سلمي…..تقصد ايه يا حسان؟

حسان…..ولا حاجه اقصد انك محتاجه تقعدي مع نفسك يا سلمي تفكري في الموضوع و راجعي كده رد فعلك و شوفي معايا حق فيه ولا لا

سلمي…..اقفل الموضوع احسن يا حسان عشان انا يمكن وصلتلك رد فعلي غلط بس عصبيتك هي اللي خلتني اتعـ,ـصب وانت ترجمت عصبيتي غلط عموما انا لسه عند كلامي انا لا مضايقه و لا غيرانه يا حسان و هقولهالك تاني اي حاجه تخص هنا اعملها من غير ما تسألني

حسان…..و انا مش هرد علي كلامك ده يا سلمي غير لما تهدي عشان هتفضلي تقولي اعملها من غير ما تسأل او تعمل حسابي و انا هفضل اقولك ان لازم اسال ولازم اعمل حسابك فا الكلام معاكي و انتي في الحاله دي مش حلو لا ليا و لا ليكي انا يا حبيبي هسكت و انتي اهدي و اقولك اعتبري يا ستي مفيش حاجه حصلت تمام كده الموضوع خلاص اتقفل

سلمي….انت بتسكتني يعني يا حسان

حسان…..لا خالص يا حبيبي انتي طلبتي مني اقفل الموضوع و قولتي اني ترجمت ده غلط معاكي حق جايز اكون فهمت غلط جايز انتي كنان تكوني فهمتيني غلط في النهايه هو سوء تفاهم ملهوش اي لازمه متزعليش مني لو ضايقتك او فهمتي قلقي غلط انا اسف و بعتذر بس بقولهالك تاني انتي وهنا في كل القصه دي اللي تفرقوا معايا مش اي حد تاني ماشي يا سلمي