لقاء كا.رثي

تبعد عنها قلل هزارك اهتمامك اتحكم في نفسك اكتر من كده دي اختك يا غبي اختك

تامر…..سلمي انا والله العظيم ما قصدت اي حاجه ولو اعرف ان كل ده هيحصل مكنتش عملت اي حاجه بس انا كنت طبيعي

سلمي…..بيتهيأااااالك انت مش طبيعي انت معمي يا تامر انت شايف انك مخلي بالك من كل حاجه بس اللي بيحب يا تامر مبيحس بنفسه جايز تخبي مشاعرك و جايز كمان تمنع لسانك انه يعبر بس تصرفاتك مش هتقدر تتحكم فيها

انا وابوك وحتي ايه كان ممكن نشوف اي تصرف ليك علي انه تصرف عادي ما الاخوات بيهزروا بيضحكوا بيتخانقوا بيلمسوا بعض بهزار بمقلب بيرخموا علي بعض تحضني احضنك عادي بس اهو سلامه مشافش ده عادي

اللي بيحب يا تامر في السر بيفكر نفسه ذكي و بيشوفوان ادام محدش عارف فا هو يقدر يخبي براحته بس مبيبقاش عارف انه فضوح في نظراته و تصرفاته و كلامه و هزاره و عصبيته بيبقب فاكر ان كل دي مشاعر هو بس اللي حاسس بيها ميعرفش ان في عيون كتير ممكن تكشف سره ده دي نظرات العيون بالذات بتتفضح يمكن انت قدرت شويه تخبيها عن ناس كتير بس في ناس تقدر تشوفها زي ما سلامه شافها.

تامر…..سلمي سلمي انا تعبان و الله العظيم انا تعبان انا مش عايز كل ده يحصل و الله يا سلمي انا حاولت بس حبها مش راضي يخرج من قلبي حاولت والله يا سلمي اعمل حجات كتير و انتي عارفه و لو ترجعي بعقلك شويه و تركزي في كل السنين اللي فاتت هتلاقي اني حاولت كتير بس فشلت حتي حتي انا كنت هسافر صح صح يا سلمي

ابوكي اللي رفض و تعب بسببي لما قولت اني هسافر و شاف ان الفكره مسيطره عليا رفض و قالي لا متسبنيش انا واخواتك كنت بين نارين والله العظيم انتي فاكره متكدبيش و تقولي اني محاولتش

كنت عايز ابعد عشان انساها ماهي طول ماهي قدامي انا بموت ومش قادر ابطل احبها بس معرفتش خوفت علي ابوكي يمكن لو كنت بعدت مكنتش هنساها بسهوله بس كان في احتمال انتي عارفه يعني ايه هي قدامي ليل نهار عارفه يعني ايه انا مع البنت الي قلبي اختارها في بيت واحد طب عارفه يعني اشوفها بتكبر كل يوم قدامي سلمي ايه دخلت علينا طفله اتربت علي ايدنا كلنا و كبرت قدام عنينا مكنتش اعرف واهي بتكبر كده إن حبها بيكبر جوايا شوفتها علي كل حالتها صاحيه نايمه بتضحك بتعيط زعلانه مبسوطه بتذاكر بتاكل بتلعب كمل بدموع و سلمي كمان كانت ميته من العياط و الله العظيم يا سلمي انا حبيت ايه حب نضيف اوي حب مفيهوش اي وساخه وعمري ما استغليت برائتها او قلبها ده عشان ارضي الراجل اللي جوايا حبي ليها اصلا كان ابعد بكتير من اني اشوفها ست انا حبيت قلبها حبيت برائتها و طيبتها حبيت روحها سلمي انتوا اوقات كتير مكنتوش بتبقوا معانا