لقاء كا.رثي

عسال…..وانا قولت ليله هتقول عايزه مطربين و رقاصه

ليله…..بضحك لا خالص خد بالك انا هقولك سر انا اتبسط بالحاجات دي اوي لو بتحصل مع اي حد من البنات مع حد اعرفوا معزومه في مناسبه لكن ليا مش للدرجادي انا زي ما قولت لمصطفي الجو بتاع الاضواء ده و ان الكل يبقي مركز معايا في حاجه تخصني هيوترني جداً

نعيمه…..بضحك مش هترقصي في فرحك طيب

عشري….لم خطيبتك يا فضل

فضل….بضحك اسكتي هنضر….ب

ليله……بابتسامه بعيداً عن عشري مظنش

ايمي….بضحك تخيلوا اللي بترقصلنا دي في كل المناسبات بتاعتنا يوم فرحها مش هترقص

ليله…..بضحك خلاص بقي خلصت

رشيد….المهم الوقت استقريتوا علي ايه بجد الوقت بيجري منكم

عشري…..سيبك منها انا اصلا مش هاخد رأيها في حاجه تاني هتتفاجئ زي الكل هي بس هتعرف المعاد و تلبس فستانها والباقي عليا

ليله…..بضحك لا معلش بقي مش موافقه هو ايه اللي مش هاخد رأيها

عشري….والله ما هاخد رأيك خلاص

ليله….بأبتسامه حب ماشي يا بلطجي اعمل اللي انت عايزه يا قلاب

عسال…..حقه عايز يبقي عريس و يشوفك عروسه

ليله….حتي انت يا طيب

عسال…..بضحكه جميله عايزين نفرح بيكم يا لولي

ليله….عقبال ما نفرح بيكم انتوا كمان

عسال…..ان شاء الله

فضلوا يتكلموا في كذا حاجه مع بعض و يقرروا قرارات مصيريه و يتناقشوا في مواضيع مهمه.

………………….

عند سلمي و تامر بمجرد ما خرجوا بره الڤيلا مشيوا مع بعض شويه سلمي كانت ماشيه حاسه ان جسمها من جوه في رعشه صعبه اوي مش من البرد من الموقف اللي هي محطوطه فيه مكانتش عارفه تبدأ الكلام مع تامر من انهي جزء مكانتش عارفه تقولوا ايه اصلا تقولوا علي المشكله اللي حصلت بين سلامه و ايه و انهم سابوا بعض من فتره بسببه ولا بلاش يعرف اصلا ان سلامه و ايه عرفوا او لاحظوا

تقولوا ان سلامه عرف اصلا و بقي خايف علي ايه منه و لا تقولوا ان فرحهم هيتعمل في وقت اقرب من اللي كانوا محددينه عشان سلامه عايز كده و بردوا بسببه تتكلم معاه بوضوح و لا تحاول انها تحافظ علي مشاعره كانت في وضع لا تحسد عليه في النهايه هو اخوها من اول ما ليله كلمتها هي وايمي اول مره و هي بتحاول تتكلم معاه و مش عارفه كانت بتتحج بانها مش لاقين فرصه بس في الحقيقه ان الموضوع كان صعب عليها مكانتش قد المواجهه دي اول مره خالص عرفت مشاعر تامر مقدرتش تتناقش معاه كتير و قفلت الموضوع عشان محدش يسمع و طلبت منه ينسي اللي في دماغه لان ايه خلاص اتكتب كتابها و خلاص فرحها بعد كام يوم بس المرادي هي مضطر تفتح الموضوع بنفسها و تتكلم معاه
و مش عارفه تبدأ منين.