لقاء كا.رثي

سلامه…..واخويا يا سلمي انا كمان ايه خايفه عليه مني ده اخويا الصغير يا عبيطه

سلمي حطت ايدها علي وشها و فضلت تعيط

مسكها سلامه من كتفها بهدوء

سلامه……سلمي لو انا غالي عندك بطلي عياط ارجوكي واهدي شويه و بعدين انا واقف قدامك اهو هادي و مفيش اي حاجه انا بس عايز اتكلم شويه مع تامر ممكن تمسحي دموعك و تهدي و ترجعي انتي علي الڤيلا

بعدت سلمي عنه بسرعه وراحت وقفت جنب تامر

سلمي….لا لا مش هسيبكم لوحدكم تامر امشي عشان خاطري امشييييييي بقي امشي

سلامه…..سلميييييي اهدي اهدي اهدي في ايه خدي نفسك و ابعدي عنه مش عايزه تمشي خليكي بس اوعي تخافي مني ايه يا سلمي انتي لسه عرفاني انهارده انا واقف مع اخواتي الصغيرين عادي انا مش عفريت اهدي و امسحي دموعك مش عايزه تمشي خليكي بس اهدي عشان هتتعبي و اخوكي هيتعب يا سلمي

تامر….بدموع سلامه خليني امشي و محدش هيحس والله انا هقول جالي شغل ضروري بس صدقني وجودي مش صح

سلامه…..مش هتمشي و اهدأ شويه
كمل بتوتر و هو مش قادر يتمالك اعصابه هو كمان الموقف مكانش سهل علي اي حد فيهم اااا تحب تقعد شويه

تامر….وهو بيتحرك كتير ااا لا لا انا تمام

سلامه….طيب براحه اهدأ

تامر…..بدموع ااااا انا اسف حط ايده علي راسه و فضل يحرك كفه علي راسه بسرعه كأنه عايز يفوق غمض عينه بوجع.

سلامه…….بصلوا و هو مشفق عليه علي قد غضبه علي قد ماهو مكانش قادر يقسي عليه لان تامر كانت حالته وحشه اوي اااا عملت في نفسك ليه كده يا تامر ليه سيبت نفسك كده لو في حد محتاج أسفك ده فاهو انت لازم تتأسف لنفسك و قلبك اللي مرمتطوا معاك ده انا مش زعلان منك يا تامر و يمكن تستغرب

سلمي كانت واقفه ماسكه ابدها الاتنين في بعض و عماله تعيط و تامر واقف دموعه نازله.

سلامه…..يمكن مضايق و حاسس بوجع جوايا غريب جوايا شعور اول مره احس بيه في الدنيا لا ليه وصف و لا ليه شبيه عارف انت يعني تقف متقيد مش عارف تدافع عن حبك و عن الراجل اللي جواك مش عارف تظهر غيرتك و غضبك و خوفك و في نفس الوقت انت مشفق علي البني ادم اللي خلاك تعيش كل المشاعر دي ابتسم بسخريه شعور غريب اوي صح تخيل تبقي ماشي في الشارع مع حبيبتك و تلاقي واحد بيعاكسها تروح عليه عشان توقفه عند حده تكتشف ان اللي كان بيعاكسها ده اخوك صدددمه توقفك عاجز لا قادر تعاتبه ولا قادر تعبر عن غضبك منه و فنفس الوقت صعبان عليك اعتذاره منك ده مجرد تشبيه بسيط اوي للحاله اللي انا فيها دي