لقاء كا.رثي

تاني بتشوف نفسها فيه عارف يعني ايه تيجي تطلب منك حجات انت مضطر تعملها عشان بس تشوفها مبسوطه انا عملت كل حاجه اقدر عليها عشان تبقي مبسوطه و الله العظيم يا سلامه حبي لايه كان حب نضيف انت غيرت عليها مني و جايز تكون خوفت عليها حقك

بس أنت قولتها احنا رجاله زي بعض و نقدر نحس بالبنت اذا كانت مضايقه او خايفه او قلقانه من راجل تاني و ايه طول السنين اللي عاشتهم معانا عمرها ماشافت مني اي حاجه وحشه او مؤذيه عمري ما شوفتها بصوره ترضي غروري كاراجل انا حبيتها طفله ودخلت قلبي طفله و حافظت عليها طفله

عمري ما لمستها او بصيت عليه بصه وحشه عمري ما استغليت قلة خبرتها او سزاجتها انا لو وسخ كنت هزرت معاها بكل الطرق تحت مسمي اني اخوها بس ربنا شاهد اني معملتش ده علاقتي بيها قدامها وقدام الناس كلها و قدام ربنا علاقه نضيفه علاقه اخ باخته علاقتي بيها بيني و بين نفسي كانت حبيبتي اللي بشوفها بنتي اللي كبرت قدام عيني ده انا حتي بيني وبين نفسي عمري في حياتي ما شوفتها بطريقه وحشه حبي ليها يا سلامه كان اخره اني اشوفها مبسوطه ده انا حتي عمري ما حلمت اني اكون ليها عمري ما شوفتها زوجه وام عيال و كل اللي ممكن يجي في بالك.

مش ذنبي اني حبيتها يا سلامه انا عشان كدبت لما كنا بنلعب وقولت اني حبيت اتنين من طرف واحد عشان خوفت حد.يلاحظ او يركز خوفت ان سلمي تركز معايا لان هي اللي كانت عارفه قولت كده عشان حتي لو فهمت اني كنت بتكلم عن ايه تعرف اني حبيت بعدها تاني و اني نسيتها بس انا محبتش غيرها

امته و ازاي و الله العظيم ما عارف ليه هي بالذات بردوا مش عارف انا حاولت كتير ابعد سواء اني ابات في الشغل او اني اسافر بس محاوله السفر دي فشلت رغم انها عمرها ما اتشالت من بالي عملت كل حاجه تتخيلها و معرفتش يا سلامه جايز اقدر الوقت اعملها لان خلاص مبقاش ليا مكان خصوصا بعد ما انت عرفت وجودي وسطكم هيخليك عايش في قلق طول الوقت و غصب عنك هيطلع علي ايه و لو ده حصل هيحصل بينكم مشاكل كتير و ايه بتحبك اوي يا سلامه و انا مش عايز اي حاجه بينكم تحصل بسببي لا انت و لا هي تستاهلوا مني ده و انا مقدرش اوعدك اني اشيل حبها من قلبي بالسهوله دي كل اللي اقدر اوعدك بيه انك يوم ما تضطر تشوفني انت و ايه هيكون بسبب خارج عن ارادتي اوعدك اني عمري ما هكون سبب قلق في حياتك و حياتها عمري ما هبوظ العلاقه اللي بينكم هبعد لاني محتاج ابعد محتاج ارتاح و يوم ما هرجع لازم تبقي متأكد اني قدرت اخرج ايه من قلبي