لقاء كا.رثي

كان مستحيل كمان ابوظ علاقتي بابوك الراجل ده انا بحبه و بحترمه و مشوفتش منه غير كل خير و حب و احترام محبتش ابوظ علاقتك بيه لاني واثق انه مكانش هيسكت و كمان خوفت يتعب و انا ابقي السبب

و مع كل ده طول الفتره اللي فاتت كنت بحاول اتغلب علي شيطاني و اقرب منك و اصاحبك اكتر كنت بحاول اخلق جو حلو بيني و بينك يمكن بينك و بين نفسك تبعد اي فكره زي دي من دماغك يمكن فشلت اني ابعد الفكره دي بس كمان انا واثق انك مش وحش يا تامر

تامر…..بدموع سلامه انا مش وحش والله العظيم انا معملتش حاجه غلط مكنتش قاصد اوجع اي حد.

مقصدتش اوجعك يا سلامه انت انت جايز تكرهني و ده حقك جايز تقرف مني و ده حقك بردوا بس انا عايز اقولك ان غصب عني يا سلامه والله العظيم غصب عني انت حبيت ايه صح بس لو سألتك حبيتها ليه هتعرف تلاقي سبب مش هتلاقي اكيد بس حبك ليها ده مش هشوفوا مصيبه و لا جريمه هشوفوا حب عادي و انا زيك يا سلامه كان غصب عني و الله العظيم

سلمي…..بدموع زقته في صدره اسكتتتتت اسكت بقي

مسكها سلامه من ايدها وبعدها عنه

سلامه….اسكتي انتي و لو مش هتكستي ارجعي خليه يتكلم

سلمي….مينفعش يا سلامه مينفعش

سلامه….بهدوء لا ينفع خليه يقول كل اللي جواه انا عايز اسمعوا عايزه يخرج كل اللي جواه من فضلك سيبيه اتكلم يا تامر

مسح تامر دموعه و بص لسلامه

سلامه…..محدش في الدنيا دي يا سلامه يقدر يقول ان الحب جريمه و انا لما حبيت يا سلامه حبي مكانش حالة شاذه مروحتش حبيت سلمي اختي مروحتش حبيت شخص مينفعش محرم عليا و مينفعش احبه انا حبي كان طبيعي مقدرتش امنع قلبي يحب انا لاقيت نفسي بحب من غير ما احس مقدرتش اشوفها اختي هي بنت خالتي يعني حبي ليها مش حرام و مش عيب لا اذيتها ولا اذيت اي حد انا حبيتها بيني و بين نفسي لان انا مكنتش في قلبها يا سلامه

اوعي تفكر اني محاولتش استغل الفرصه زي ما انت قولت حاولت بس كل محاولاتي كانت فاشله أيه كانت مستحيل تشوفني غير اخ بس انا كنت حبيتها خلاص و انت عارف مش سهل تحب و تنسي بسهوله

كل اللي بنقولوا ده ممكن نختصره في كلمتين بس انا كل لحظه كانت بتعدي عليا فيها حكايه و تعب قررت اني اخبي الحب ده جوايا لحد ما اقدر اخرجه من قلبي بس الكلام سهل الاصعب من الكلام اني انفذ معرفتش ازاي تنسي حد طول الوقت معاك و قدامك انا صحيح حبيتها بيني و بين نفسي بس ضريبه الحب ده كانت كبيره اوي ياسلامه مريت بوجع محدش في الدنيا يقدر عليه عارف يعني ايه تشوف اللي بتحبها دي بتحب غيرك بتتبسط مع غيرك في حياتها راجل