لقاء كا.رثي

حسان…..طريقت كلامك معايا دي بتثبتلي ان معايا حق

سلمي….من غير ما اثبتلك يا حسان حتي لو ده اللي حسيته من طريقتي فا انا بقولك تاني دي حاجه متزعلنيش

حسان…..بنبره غضب بسيطه بس تزعلني انا يا سلمي اني اتفهم غلط لو هتكلم بطريقتك دي اللي مش عجباني بالمره اكيد متمناش لعلا اي حاجه وحشه لانها ام بنتي و مشفتش منها حاجه وحشه و لو فرضنا اني شوفت بردوا مش هتمني ليها حاجه وحشه عشان بنتي هقولهالك مره واتنين تلاته عشان هي ام بنتي فا عمري ما اتمني ليها اي شر بس في النهايه هي هتولد مش هتعمل عمليه خطـ,ـيره

انا قلقي علي بنتي مش اكتر حاسي بالاحراج من شادي لاني شايفه متوتر و محروج يطلب مني متأخرش او مطولش عامل حسابك زي ما انا عامل حساب بنتي و مش حابب ارجع او اسيبك و لا حابب اضايقك اصلا بموضوع زي ده و مكنتش هقولك لو مكنتيش سمعتي عشان متفكريش في الموضوع
واهو اللي حسبته لاقيته

سلمي….انا مفركتش في الموضوع يا حسان انا صحيح سالتك شادي عايز ايه لاني فكرت في حاجه بخصوص هنا و انت حكيتلي اللي حصل و انا لما شوفتك قلقان قولتلك أرجع زي بالظبط لما كنا في بطوله هنا وهي زعلت انك هتمشي و شوفت نفس الحيره و التوتر في عينك و قولتلك لا افضل مع بنتك و خليك معاها متزعلهاش و مشيت و سيبتكم و قولتلك ملكش دعوه بيا في اي حاجه تخص بنتك و متعملش حسابي كمان

حسان…..وانا مقدرش اعمل كده يا سلمي وانتي عارفه فا بلاش تقولي كلام يعصب انا بعمل حسابك زي ما بعمل حساب هنا بشيل همك و هم زعلك زي ما بشيل هم زعل هنا و عشان كده باين عليا اني مضايق لاني مش عارف اتصرف

سلمي…..وانا عفيتك خالص من حيرتك في انك تتصرف يا حسان و قولتلك روح لبنتك

حسان….لاااااا يا سلمي يوم البطوله اتكلمتي معايا بهدوء عن كده و لو تحبي افكرك لما قولتيلي خليك مع بنتك انت وعدتها هي ممكن الوقت تعديها بس لما تكبر هتفتكرها قولتيلي كمان انك كنتي بتزعلي لما بابا يقولك جاي و ميجيش لفتي نظري لحاجه يمكن تكون كانت في بالي بس مكنتش هعملها و مكنتش هقعد عارفه ليه عشانك لانك كنتي جايه معايا و مكانش معاكي عربيه مكنتش عايز اسيبك تمشي لوحدك مكنتش عايز اول مقابله بينك و بين مامت هنا تنتهي بأني اكمل معاهم واسيبك لوحدك انا راجل بفهم في الاصول يا سلمي و عارف ان ميصحش اقصر معاكي او مهتمش بادق التفاصيل اللي ممكن تضايقك