لقاء كا.رثي

سلمي…..طيب ريحني انت سمعت حاجه واقف من امته يا سلامه عشان افهمك حتي

سلامه……من بعد ما خرجتوا يا سلمي

سلمي…..بدموع مسكت في ايده اكتر سلامه والنبي انا مش عارفه هطلب منك ده ازاي بس ارجوك و غلاوة مامتك انسي اي حاجه سمعتها عشان خاطر ايه والله العظيم هتموت فيها بابا لو عرف هيموت مش لازم حد يعرف يا سلامه و انا و الله و الله و الله العظيم اللي هيرضيك انا هعملوا مش هاجي عليك صدقني اي حاجه هتريحك هعملها اقولك انا بوعدك تامر مش هيقعد في البيت لحد ما انت و ايه تتجوزوا تمام كده صح يا تامر اتكلممممممم

لف تامر و ادهم ضهروا و هو منهار موقف سلمي اصلا ورعبها من سلامه خلاه بيموت مجاش في باله اصلا ان بسببه اخته تقف تستعطف سلامه و تنهار قدامه بالشكل ده

سلمي…. بص بص يا سلامه اول ما هنرجع انت عارف ان هو كان هيعمل البيت عند حسان هيروح يقعد مع كسان ماشي يعني بحجه انه لازم يخلص بسرعه و لازم يشوف الشغل و انا قد كلمتي والله والله ما هيدخل البيت خالص و عشان بابا ميعرفش وقت ما ايه تكون مش في البيت هخليه يرجع كأنه بياخد خاجه عشان محدش يحس والله يا سلامه اللي هيريحك هعملوا مش هاجي عليك بس عشان خاطري كل اللي طلبته منك متعملش حاجه نندم كلنا عليها

سلامه…..بابتسامه هاديه و هو عينه مدمعه طبطب علي كفها طيب ممكن تهدي.

تامر….بص علي الارض بتوهان عينه مكانتش ثابته و مش قادر يرفعها اصلا في عين سلامه ااااا انا انا ماشي انا همشي الوقت ووو مش هتشوف وشي تاني يا سلامه بس بس اعمل اللي سلمي بتقولك عليه لو بتحبها بجد يا سلامه متخليهاش تعرف ارجوك مسح دموعه بسرعه ابويا مش عايزه يعرف من فضلك انا همشي والله الوقت

سلامه…..اهدي يا تامر

بصلوا تامر وهو دقنه بتترعش و جسمه كله و دموعه مش بتقف

تامر….سامحني يا سلامه سسس سامحني ارجوك انا انا اسف

سلامه….بهدوء متتأسفش يا تامر و اهدي

سلمي…..اه اه امشي صح امشي يا تامر وانا هقول ان جالك شغل ضروري و لما تروح لبابا قولوا كده انك عندك شغل كويس اوي ولازم تفضل فيه يلااااااا امشي

سلامه…..بس يا سلمي بس اهدي من فضلك و انت مش هتروح في مكان هتروح فين الوقت خلينا نتكلم

سلمي….بدموع لا والنبي بلاش بلاش والنبي يا سلامه الكلام مش صح خالص هو غلط و معترف بس عشان خاطري بلاش كلام بلاش تسمع اي حاجه تخليك تفقد اعصابك ده اخويا يا سلامه