لقاء كا.رثي

ابوكي كان بينزل الشغل و انتي كمان كنتي بتنزلي أساليها ياسلمي لو كنت عمري استغليت ده و من غير ما تسألي هي لو كانت حست مكانتش هتقعد معايا في مكان واحد

ده انا كنت ببقي بره و فاتح التلفزيون و هي تخرج تقعد في حضني تتفرج معايا و الله العظيم يا سلمي عمري ما استغليت ده عمري ما خونت ثقتها و لا ثقتكم بس غصب عني انا في ابتلاء و دي حاجه مش بأيدي انا انا انا تعبان اااا حط ايده علي راسه الاتنين و فضل يلف حوالين نفسه و فجأه وقف متسمر في مكانه و عينه هتطلع من مكانهااا

بصت سلمي بأستغراب علي تامر و بعدين بصت وراها علي مكان ماهو باصص لمحت سلامه واقف بعيد علي بعد امتار حاطت ايده الاتنين في جيبه .

صدمتها مكانتش تقل عن صدمه تامر اللي وقف متسمر في مكانه باصص عليه و ساكت بصت علي تامر برعب اول مره تحس بيه بس حالت تامر مكانتش تسمح انه يقويها او يسندها هو كان عايز اللي يقويه علي الموقف ده كان عايز اللي يفوقوا من الكابوس

مسحت دموعها بسرعه و بصت لسلامه تاني

سلمي…..ااا سلامه ااانت هنا من امته

منطقش و عينه كانت علي تامر

سلمي….طيب انت بقالك كتير واقف هااااا

مردش.

سلمي….طيب انت جاي تنادي علينا صح سلامه انت هنا من امته طيب رد الله يخليك بصت تاني علي تامر و بعدين حست ان سلامه اتحرك ببطئ عليهم و قفت بسرعه قدام تامر وفضلت تبص حواليها كانت مرعوبه و خايفه سلامه يتهور من غضبه كانت بتدور علي اي حد حواليهم عشان لو حصل اللي هي خايفه منه حد يدخل و يساعدها

سلمي…..سلامه والنبي لا يا سلامه افهم طيب الاول تامر مش وحش والله العظيم تامر طيب و بيحبك اوي قربت منه و هي دموعها نازله و بتترعش جامد و مسكت دراعه عشان خاطري يا سلامه و النبي عشان خاطر ايه

سلامه….بهدوء اهدي يا سلمي

سلمي…والله العظيم تامر كويس هو بس مش عارف بيقول ايه اوعي تصدق اي حاجه قالها و الله العظيم بيحبك

سلامه…..اهدي طيب

سلمي….هو هو هو مش فاهم مكانش عارف والله اخويا محترم و الله يا سلامه و متربي انت عارف صح مش انت عارف هو معملش حاجه غلط صدقني

سلامه……مصدقك اهدي بس

سلمي….تامر قول لسلامه قولوا انك مش قاصد حاجه قولوا ان مفيش حاجه اصلاااااااا

سلامه…..سلمي اسكتي و اهدي ارجوكي

حط سلامه ايده الاتنين علي راسه و دموعه كانت نازله و عمال يلف حوالين نفسه حاسس انه في كابوس الدنيا بتبوظ من حواليه واكيد مواجهته مع سلامه هتقلب الدنيا مفيش غير انه يمشي و يبعد بسرعه