لقاء كا.رثي

ايمي و ليله بصوا عليهم و كانوا ساكتين خالص باصين بس علي ملامحهم و بما انهم حافظين سلمي فا مصدقوش ابتسامتها.

اما تامر فا كان ملامحه ضايعه خالص ملهاش تفسير سلامه حاول انه يبتسم و يكون طبيعي.

عشري…..اهلاااااا شرفتوا

رشيد….فينكم كل ده

سلمي….انا خرجت انا و تامر نتمشي شويه

حسان…..طولتوا كده ليه الجو برد
و انت خرجت امته احنا فكرناك نايم

سلامه…..لا خرجت اتمشيت و قابلتهم و هما راجعيني ايه الباقي نامو

حسان…..اه طلعوا

تامر….ااا طيب تصبحوا علي خير انا هطلع انام

الجميع…..وانت من اهله

بصت ليله لسلمي هي و ايمي ابتسمت بهدوء و عينها كانت فضحاها.

قعدوا شويه حوالي ربع ساعه مع بعض و بعدين طلع سلامه عشان ينام و هما كمان طلعوا يناموا.

دخل سلامه الاوضه لقي تامر نايم علي السرير ضامم رجلوا و في سابع نومه فرد عليه الغطاء بهدوء و راج قعد علي السرير مكانش عارف ينام كانت لياه صعبه عليه بطريقه بشعه

رغم الثبات و القوه اللي كان فيها الا انه كان في حاله وحشه بيحاول يقاومها صعب عليه تامر و كان مشفق عليه جدا لكن كمان مقدرش يمنع غيرته و غضبه حتي لو جواه.

اما سلمي و ليله و ايمي بعد ما طلعوا دخلوا علي اوضه ايمي و عرفوا كل اللي حصل و هما مصدومين لان صدمتهم الحقيقه لما شافوا سلامه داخل معاهم و هما كانوا فاكرين انه طلع نام بما ان ايه نامت و بما ان تامر خرج مع سلمي فكرت ليله انه اطمن انه مش موجود و عشان كده راح ينام بس اتصدمت هي و ايمي لما شافوا مشاعرهم كانت متلغبطه موجوعين علي دموع سلمي و وجعها و علي تامر و علي سلامه اللي فاجئهم سلمي طلبت منهم ان سلامه ميعرفش انهم عارفين لا هو ولا تامر هما مكانوش هيقولوا اصلا بس قرروا انهم يقفلوا الموضوع خالص عشان محدش يحس بأي حاجه لحد ما ايه تتجوز بقي و الموضوع كله يعدي علي خير و بعد وقت بسيط راحوا ناموا ..

علي الساعه عشره الصبح…

قلقت ايه دخلت الحمام غسلت وشها و معرفتش تنام تاني نزلت بهدوء صوت الكلاب كان مش راضي يبطل هي متأكده انه صوته المرادي اعلي و اوضح نزلت بهدوء لمحت حنان واقفه عند باب الڤيلا الداخلي من جوه باصه علي الجنينه

ايه….صباح الخير يا حنون

حنان…..بابتسامه صباح الخير يا قلبي صاحيه بدري يعني

ايه…..ما انا نمت امبارح بعدك علي طول كنت تعبانه بس قلقت خلاص و بعدين انا سامعه صوت الكلاب اوي اوعي تقولي انك مش سمعاه