لقاء كا.رثي

بس قبل ما اعمل ده عايزك تتأكد اني مخونتش ثقتك فيا انا حبيتها من قبل ما انت تكون موجود لازم تتأكد اني عمري ما كنت وسخ مع ايه او قذر او مش راجل زي ما سلمي شايفه مسح دموعه لازم تتاكد ان ايه بتحبك بجد و هي مختارنتيش بدالك هي اختارت اخوها مفكرتش لحظه اصلا ان الحق معاك يا سلامه متزعلش لانها اتعاملت بغريزه الاخوه انا اسف يا سلامه اسف بجد اتمني انك تسامحني و انا اوعدك من اللحظه دي عمري ما هكون مصدر إزعاج ليك او لايه في يوم من الايام

سلامه…..خلصت كلامك

هز تامر راسه بدموع

سلامه…..فرضنا انك مشيت و سافرت و عملت كل اللي انت قولت عليه كده انت راجل لما تهرب و ترمي كل حاجه وراك هترتاح طيب سلمي وايه اتجوزوا ابوك هتسيبه لوحده هتقدر يا تامر

تامر…..بدموع الاول كان صعب اسيبهم كلهم بس الوقت انت وحسان موجودين

سلامه…..مش هنعوض مكانك في قلب ابوك يا تامر و انت عارف ده كويس مهما كنا غالين عنده غلاوتنا مش هتبقي قد غلاوه ابنه طيب هتسيب ايه و سلمي يتجوزوا من غير اخوهم سندهم هو انت فاكر يا سلامه انك لما تبعد هتنسي ايه بالعكس مش هتنسي عارف مشكلتك ايه يا تامر انك فاكر ان السبع فوايد بتوع السفر فايده منهم النسيان

غلطان لو شايف اني هرتاح لما تبعد غلطان انا لو راجل اناني يا تامر هقولك سافر عشان انا ارتاح لو راجل ضعيف مش عارف يلاقي راحته غير بعد خصمه هقولك سافر

بس انت مش خصمي يا تامر لاننا مش بنتنافس علي ايه هي اختارتني زي ما انا اختارتها و ده مش تقليل منك انا بس عايز افوقك عشان يصعب عليا اشوفك كده لاني بجد اعتبرتك ولحد الوقت بعتبرك اخويا و لو انا محبتكش او لو انت مش غالي عندي مش هقولك كده و علي فكره انا لو طلبت منك تبعد و مترقربش من ايه و عملت مشكله محدش هيلومني و الحق هيبقي معايا بس وقتها مش هستفاد حاجه و لا انا حابب اني اخد الكل في صفي ضدك تامر انا عيشت انا وامي و اخواتي بطولنا لا لينا اهل و لا معارف و انا لما ارتبطت بايه حبيت اوي جو العيله حبيت وجود ابوك في حياتي ويمكن دي اول مره اقولها صحيح ربنا يخلي ابويا و يطول في عمره بس انا اعتبرت ابوك ابويا فرحت بي ان ربنا رزقني باخ واخت جداد حبيت علاقتكم ببعض لانها شبه علاقتي بامي واخواتي

فا انا مش عايز اكسب تعاطف حد بوقفته جنبي و لا هفرح بان الكل يغلطك و لا هفرح بالخراب اللي ممكن يحصل ده انا حتي لو بسبب مشكلتك دي خسرت ايه مش هكسب حاجه و حتي ايه مش هتكسب و علاقتها بيك و بيكم هتتهز وانا مستحيل اعمل ده شوف كل الكلام اللي انت قولته عن ايه ده و اللي مفيش راجل في الدنيا يتحمل يسمعه عن حبيبته مأثرش فيا عارف ليه يا تامر لان باختصار مشاعرك تجاه ايه مش حب و اسمعها من اخوك الكبير بكره تقول سلامه كان معاه حق انت عايش في قصه انت البطل فيها وللاسف ظلمت نفسك في القصه دي حبك لايه مش حب انا مش دكتور نفسي بس انا ابن بلد و عارف بقولك ايه حبك ليها تعود اعجاب بشخصيتها اللي بتتمناها اللي بيحب بيحارب بكل الطرق حتي لو هيخرب الدنيا عشان اللي بيحبها دي بس انت كان جواك شخص رافض يسمع صوت قلبك شهص رافض الحرب مش عشان عارف انه خسران لا عشان هو باقي علي علاقه الاخوه دي اصلا انا هنصحك نصيحه جايز تفوقك يا تامر
السفر مش دايماً بيكون نجاة ساعات بيبقى مجرد هدنة.