لقاء كا.رثي

سكتوا كلهم و بصتلها ايمي بهدوء.

ايمي….انتي عبيطه يابت احنا بس كده اللي ليكي فين زوزو وحماده واخواتي فين اهل صحابك دول ولاد اخواتك و جواز اخواتك انتب مش مقطوعه من شجره يا بنت الهبله

ليله…..مقولتش اني مقطوعه من شجره يا ايمي بس كل دول يتجمعوا في تربيزتين تلاته

عشري…..ولا واحده يا ليله لو مش هيبقي في الفرح غير كام شخص العين تجيبهب بسهوله هنعمل فرح و في الهرم و هنفرح و هنتبسط و مش مهم العدد المهم الناس اللي موجوده بتحبنا و بنحبهم

فضل……و بعديني يا ليله الفرح مش هيبقي فاضي زي ما انتي متخيله كده عيلتنا كبيره و معارفنا كتير

ليله…..صح بس عيلتي صغيره اوي و مش عايزه وليد يبقي واقف بطولوا يا فضل مع احترامي لحماده و عادل و حمودي و سامح و احمد بس هو هيبقي لوحده و مش حابه اشوفوا حاسس انه بطولوا

عشري…..لا اخوكي هيبقي مبسوط و مش هيبقي في دماغه اصلا كل اللي بتقولي ده و هو وسطنا و وسط الشباب بطلي انتي بس تشيلي هم غيرك شويه الكل هيبقي مبسوط يا ليله و محدش هيبقي مركز مين مع مين احنا عايزين نفرح

ايمي…..تصدقي بالله انتي عيله كئيبه

ليله…..بضحك والله ما كئيبه انا قولت رأيي مش اكتر و شوفت اننا نختصر كل ده في حاجه بسيطه بس طبعاً عارفه ان كلامي مش هيعجب البلطجي عشان كده محبتش اقولوا

نادين……لولي انا يوم كتب كتابي من قبل ما اعرف ان ميدو عامل مفجأه كنت بطولي بردوا مكانش في غير خالو و تيته اينعم فرحت بس حتي لما جم و فرحت اكتر مكناش كتير و هفرج اكتر و هبقي طايره من الفرحه لما نتجوز و نفس الاشخاص تكون موجوده مش بالعدد يا ليله و انتي عارفه كده كويس

ليله…..عارفه و مش فارق معايا العدد ولا العيله و لا كل اللمه الكدابه دي و انتوا عارفين ان وجودكم جنبي كفايه انا بتكلم عشان وليد و بتكلم عشان يعني شايفه انه حرام نعمل كل ده في مكان زي الهرم علي حاجه ممكن تتلم

عشري…..لما ابقي اشتكيلك ابقي سلفيني تمام و اقولك هو خلاص هيتعمل في الهرم لا عايز رأيك ولا عايزك تختاري

ضحكوا كلهم وضحكت ليله عليه

حسان….بابتسامه قلب عليكي خلاص

ليله…..ده قلاب اصلا و هو اللي فتح الموضوع علي فكره المفروض مش هتسمع رأيي متفتحش الموضوع

عشري…..فتحته لاني حبيت اشاركك و اشوف عاجبك المكان ولا نغيره كويس ولا حابه حاجه احسن مش تقوليلي تبقي عائليه