لقاء كا.رثي

بصلها تامر وهو في حاله صدمه و دموعه بتجري

سلمي……ايه قلعت خاتمها و قالت لسلامه انها مش هتكمل و عملت بلوكات ليه عشان ميوصلهاش رفضت الفكره و اختارتك انت لانها شافت ان الاخ ميتعوضش يا تامر

وغيرته عليها منك مكانتش مقبوله شافت انه مجنون ازاي يفكر بالطريقه دي في اخويا و سلامه عشان بيحبك زي اخوه يمكن مكانش شاكك فيك هو بس غار عليها و طلب حدود منها مش منك هو طلب اصلا انك متعرفش ولا حد يعرف هي بس تخف هزار عشان انت متهزرش و تقرب منها كده تاني

وفضلوا سايبين بعض كذا يوم و محدش فينا يعرف بس رجعوا تاني الحمد لله انا استغربت يوم ما ايه طلعت فيك و قالتلك ازاي تدخل علي سلمي كده قولت هي البت دي اتجننت ولا ايه مكنتش اعرف انها بتحاول توصلك اللي جواها بطريقه غير مباشره بتحاول تقولك انها سابت سلامه بسبب عملتك دي

تامر….انتي بتقولي ايه يعني ايه و سلامه عارفين

سلمي….ايه متعرفش حاجه و جايز سلامه ميكنش متأكد بس الاكيد انه مضايق من تصرفاتك معاها و مع كل ده لسه بيتعامل معاك بحب و احترام عرفت يا تامر ان انت مقدرتش تخبي مشاعرك عرفت اننا رايحين لمنطقه سوده

تامر…..بدموع لا لا انا انا معملتش حاجه يا سلمي صدقيني و الله العظيم و رحمه ماما يا سلمي هزاري معاها كان عادي مكانش قصدي حاجه خالص هي ااا هي خدت الموبايل و كانت بتهزر و انا كنت باخده منها و بهزر عادي زي ما بهزر علي طول بدخل عليها زي ما بدخل عليكي طول عمرنا بنتعامل مع بعض علي اننا واحد يمكن انا مقرب منها اكتر بكتير مش عشان اي حاجه تانيه جوايا لا والله بس ايه لا لا ايه اقرب ليا في الشخصيه في الهزار في كل حاجه طبيعي يا سلمي ان انتي بتقربي من الشخصيه اللي تشبهك اكتر و بعدين لو كنت حسيت انها مش بتقبل هزاري او مش بتبادلني نفس الهزار ده مكنتش هعمل ده احنا قبل ما نكون ولاد خاله او اخوات احنا صحاب اصلا فا عادي عادي يا سلمي والله سلامه فهم غلط ااااه حقه حقه هو راجل اكيد و بيغير بس انا لا لا يا سلمي

وبعدين انا معرفتش انها سابت سلامه ولا حد عرف فينا طب ازاي مين قالك

سلمي….ايه راحت لليله بيتها و انكلمت معاها

تامر….يعني ايه يعني ليله كمان تعرف حاجه

سلمي…..بدموع لا لا محدش يعرف حاجه و ليله مقالتش اي حاجه كل اللي قالتوا لايه ان ده حق سلامه هو راجل و بيغير و طلبت منها تشيل البوك و تتكلم مع سلامه بهدوء و ترجع وتفهموا انكم اخوات ويتناقشوا بهدوء و هي عملت كده و الموضوع خلص انا عرفت الكلام ده من ليله و اتصدمت لان انا اللي عارفه ان مشاعرك من ناحيتها غير كده شوفت ان سلامه معاه حق عشان كده انا بقولك ابوس ايدك كفايه بقي سلامه طلب يقدم الجواز و انت اكيد عارف السبب لو المشكله كبرت و ابوك عرف هيموت فيها يا تامر ايه نفسها لو عرفت والله العظيم هيحصلها حاجه لانها مش هتصدق و عقلها هيرفض ابوس ايدك بقي كفايه خرجها من قلبك انساها هي كده كده خلاص هتتجوز قريب شوف دنيتك حاول الفتره دي