لقاء كا.رثي

ليله….بابتسامه مش سرحانه في حاجه بس فصلت شوبه بتقولوا ايه

عشري…..بنتكلم عن الفرح و بيقولول ليله مش هيعجبها يعني اننا نعملوا في الهرم و عايزه حاجه احلي

رشيد….بأبتسامه انا بقول يعني انك عايزه الجونه تتأجر كام يوم كده و تعملي فيها الفرح و نفضيهالك خالص

ليله….بابتسامه سخريه ليه ياعم الاميره ديانا

عشري…..احلي

ابتسمت ليله بهدوء.

فضل…..علي فكره انتوا لازم تنجزوا و تقرروا

عسال…..صح الوقت بيجري

عشري….انا عن نفسي مستني ليله تستقر

نعيمه…..طيب مش شايفين يعني ان الهرم هيبقي تلج شويه ما فندق حلو يا جدعان

عشري…..انا بصراحه مش حابب اوي فكره الفنادق و كده يعني مكان مفتوح و كبير افضل بس بردوا لو ليله حابه فندق تختار

ايمي….ايه يا لولي ساكته ليه ما تقولي حاجه

ليله….بضحكه جميله والله انا لو قولت اللي عندي هلاقي البلطجي ماسك في رقبتي

عشري…..لا يا عمري قولي انتي عارفه اللي هتطلبيه هيتعمل اختاري انتي المكان اللي يجي في بالك و انا معاكي .

……………

في الوقت ده سلمي راحت خدت تامر و طلبت منه يخرجوا بره يتمشوا شويه و طبعاً ليله ركزت معاهم و مخدتش بالها من سلمي عشان كده عرفت تركز لو كانت شافتها كانت هتفضل متوتره اكتر ما هي متوتره.

ليله….ااا احمم يعني هتوافق

عشري…..جربي

رشيد….بضحك اسمع مني الجونه عجبتها خلاص يا ليله هنكلم نجيب ساويرس يفضيها

ليله…..بضحكه هاديه خالص والله يا رشيد بصراحه انا بقالي كام يوم كده يمكن من قبل حتي ما نسافر و انا بفكر اننا نعمل زيكم

ايمي….زي مين احنا ؟

ليله….اه

رشيد….يعني تكون عائليه قصدك

عشري…..اكيد مش قصدك كده طبعاً

ليله……ليه لا

عشري…..هو انتي بتتكلمي جد

ليله….اه ورحمه امي

ايمي…..طب ليه يا ليله في بنت في الدنيا متحبش تشوف نفسها عروسه و تعمل فرح

ليله…..طيب ما انتي معملتيش و عادي اتجوزتي و كنتي مبسوطه

ايمي…..ايوه يا ليله بس انا كان ليا اسبابي

ليله…..وانا ليا اسبابي

عشري….وانا مش موافق طبعاً اياً كانت ايه هي اسبابك

ليله…..بأبتسامه ده انت لسه قايل هعملك اللي تقولي عليه

عشري…..اه فاكر ان في حاجه معينه لشكل الفرح او المكان انتي عيزاه لكن لا خالص مش موافق طبعا

نعيمه…..بت انتي اكيد بتهرجي انتي عمرك ما اعترضتي انك تعملي فرح