لقاء كا.رثي

بس قعدت بسببك و بسبب كلامك و هدوءك في النقاش قعدت عشان شوفت في عينك صدق و انك فعلا مكنتيش زعلانه و عياط هنا صعب عليكي و محبتيش تزعليها و مسبتكيش غير وانا واثق انك حقيقي مش مضايقه و مع ذلك قعدت بس وانا مضايق و حاسي اني مش مرتاح و عشان ارضي الحته اللي في قلبي من ناحيتك فضلت معاكي طول الطريق علي التليفون

كنت حابب احسسك اني مسبتكيش حتي لما مشيتي كنت عايز اسمعك كل كلمه بتتقال سواء في وجودك او عدم و جودك كنت عايز احسسك ان رغم انك مشيتي بس ده ميمنعش اني افضل معاكي علي التليفون

و لحد ما رجعتي بليل كلمتك اكتر من مره و فضلت اعتذر و انتي كنتي شايفه كمان اني اڤورت و الموضوع مش مستاهل وانك مش زعلانه و الموضوع مش محتاج الاعتذار ده كله بس انا مكنتش هرتاح يا سلمي غير لما اتأكد تماما انك مش مضايقه

بس انهارده انتي كنتي مختلفه طريقتك مختلفه حتي و انتي بتقوليلي روح وارجع مقولتيش عشان هنا قولتي لو قلقان ارجع وخليك معاهم معاهم مين يا سلمي ؟ هااااا مين اكيد متقصديش شادي لانه راجل كبير و مسؤول و مش محتاج و قفتي مع مراته

و اكيد معاهم دي متقصديش هنا !!
انتي كنتي قصدك علا اللي متخصنيش من قبل حتي ما اعرفك من اربع خمس سنين علاقتي بيها خلصت مبقاش يربطني بيها غير هنا

سلمي…..حسان انت بتقول ايه علا ايه اللي هتكلم عنها او هشك انك عايز ترجع عشانها انت فهمت غلط

حسان…..لااااا صح و انتي عارفه انه صح و ده اللي مضايقني و معصبني منك راجعي كلامك و طريقتك معايا يا سلمي و انتي هتعرفي ان معايا حق سلمي انا مش مضايق انك تحطي الموضوع في دماغك و عاذرك لو علاقتي بأم بنتي ضاغطه عليكي بس انا من اول يوم يا سلمي كنت كتاب مفتوح ليكي مكدبتش عليكي في حرف قولتلك ظروفي و شرحتلك الظروف اللي هنضطر نعيش عليها بعد الجواز كمان قولتلك ان في مواقف ممكن نتحط فيها هتبقي خارج ارادتي مجبر اتعامل معاها حفاظا علي نفسيه بنتي و انتي اختارتي انك تكملي معايا

سلمي….و انا مشتكتش يا حسان

حسان…..يمكن بس اضايقتي و بان عليكي يا سلمي و انا مش ضد ده بس متجيش تقولي ان انا اللي غلط وانا اللي زعلت انا هحترم مشاعرك في كل الاحوال بس هتبسط اكتر لو بينتي مشاعرك دي و خليتي في مكان للحوار بينا اشرحلك افهمك اختويكي اكتر في وقت غضبك ده او اي تفكير عقلك بيروح ليه بس انتي قفلتي في وشي كل الطرق اني اغير عليكي او تغيري عليا ده مش عيب يا سلمي بالعكس بيتهيألي افضل كتير اني احتوي غيرتك دي في وقتها و اطمنك احسن ما تعصبيني و اعصبك و الموضوع يكبر و يخرج عن السيطره لغه الحوار مهمه يا سلمي بتوصلنا لاماكن امان كتير بس الطريقه اللي اختارتيها دي مش صح