لقاء كا.رثي

سلامه…..متتكسفش انت معملتش حاجه تخجل منها انت اخويا الصغير يا تامر و زي ما انا عمري ما زعلت من ميدو او مصطفي عمري ما هزعل منك و يمكن اللي حصل ده كله انا بحمد ربنا عليه و بحمد ربنا اني قدرت في لحظه ضعف اسيطر علي شيطاني

سلمي…..انا عمري ما هنسالك الموقف ده يا سلامه مهما حصل و بجد لو اي راجل في الدنيا دي مكانك مكانش هيعمل كده

سلامه…..انا معملتش اي حاجه يا سلمي انا عملت الصح احنا بقينا عيله و انا معنديش استعداد اخسر العيله دي ولا اخسر ايه انا بس عايز اعرف منك حاجه مهمه

سلمي……حاجه ايه؟

سلامه…..مين غيرنا يعرف انتي قولتي ان ايه راحت لليله هي عارفه حاجه

سلمي….ااا لا محدش يعرف غيرنا ليله عرفت بس سبب زعلكم من بعض و ان ايه قلعت الخاتم هي اتكلمت معاها و قالتلها حقه يغير و طلبت منها تفك البلوك و ترجع و تتكلم معاك بهدوء بس .

سلامه….يعني محدش يعرف

سلمي…..ايوه

سلامه…..كويس اوي و محدش هيعرف مفيش مخلوق هيعرف اللي حصل ده غيري انا وانتي و تامر بمجرد ما هنرجع الموضوع اتقفل حتي حسان يا سلمي ميعرفش

سلمي…..مستحيل طبعاً

محبتش سلمي انها تقول ان ليله وايمي عارفين عشان اخوها ميتحرجش و عشان سلامه ميقلقش ان الموضوع يوصل للشباب هي كده كده كانت عارفه ان ليله وايمي مستحيل يقولوا لاي مخلوق عشان كده قررت متعرفهمش اي حاجه

سلامه…..بابتسامه هاديه طيب يلا بينا بقي عشان اتأخرنا مش عايزين حد يحس بغيابنا ده

سلمي….اه يلا خلينا نرجع

سلامه…..طيب عايزكم كده تكونوا هاديين و طبيعين مش عايزين حد يحس بأي حاجه

سلمي….حاضر

سلامه…..تمام يا تامر

تامر…..مبصش في عين سلامه تمام

اتحركوا بهدوء و مشيوا جنب بعض محدش فيهم قال كلمه تاني ولع سلامه سيجاره و فضل يشربها لحد ما قربوا من الباب

تامر….بهدوء لسلمي ااااا سلمي انا عايز اطلع انام مش عايز اتكلم مع حد

سلمي…..طيب اطلع جايز يكون في حد منهم نام انت اطلع علي طول

سلامه……لما ندخل خد بعضك بهدوء و اطلع وانا و سلمي هنتعامل و انتي يا سلمي عشان خاطري ننسي بقي اللي حصل و خليكي طبيعيه

سلمي…..حاضر

رفع تامر الكاب بتاع الهودي علي راسه و دخل وراء سلامه و سلمي علي جوه اللي كان صاحي لسه حسان و ليله و عشري و ايمي و رشيد الباقي كله راح ينام