لقاء كا.رثي

لو في حد في الدنيا موجوع هيبقي انا يا سلمي مش حد تاني هو انتي فاكره انه سهل عليا احضر كتب كتاب ايه طيب سهل عليا انا اشوفها بترتبط لتاني مره و بتحب سهل عليا اشوف سلامه ماسك ايدها و بيحب فيها و هي مبسوطه والله العظيم و رحمي امي يا سلمي مش سهل خالص والله انا بموت يا سلمي و مفيش مخلوق حاسس بيا انا عمري في حياتي ما تخيلت اني احب بني ادمه لدرجه اني احب وجعي عشان منها و مع كل ده انا عمري ما وقفت في طريقها عمري ما منعت عنها اي فرحه عمري ما زعلتها عمري ما كنت اناني عمري ما عملت تصرف عيالي او مش رجولي معاها عمري ما بينتلها مشاعري وحتي يوم ما زعلتها و قولتلها مش هتشوفي سلامه تاني زعلها وجعني و متحملتش و صالحتها و حاولت ارضيها و عشان افرحها اكتر لما كلمت سلامه تاني يوم قولتله تعالي اتغدي معانا في المحل انا لو وحش هبعدهم مش هقربهم لو وحش هتعمد اعمل بينهم مشاكل بس انا ولا مره عملت كده .

سلمي…..بدموع مين قال انك معملتش مشاكل بينهم يا تامر انت للاسف يمكن تكون حاولت و خبيت كتير وعرفت تقنعني و تقنع ابوك و تقنع ايه و تقنع الدنيا كلها انك اخ لأيه بس نسيت اهم حاجه يا تامر

نسيت ان سلامه شاب و راجل زيك سهل اوي انه يحس بمشاعر راجل زيه سهل انه يغير و يشوف حجات احنا مقدرناش نشوفها انت عملت كل حاجه تقنعنا الا انك تقنع سلامه

تامر….بصلها بصدمه و هو دموعه نازله يعني ايه ؟ قصدك ايه بكلامك ده؟

سلمي….حطت ايدها الاتنين علي وشها وهي بتعيط و رجعت شالتهم بسرعه يعني سلامه حس بيك يا تامر سلامه شاف مشاعرك دي يوم ما الورقه ضاعت و حصلت بينكم المشكله سلامه اتصل بايه كانت بتعيط في الاوضه مرضيتش ترد و انا رديت عليه و قولتلوا هتكلمك بعد شويه عشان زعلانه وفي تاتش حصلها بينها وبين تامر صمم يكلمها و عرف اللي حصل بسبب الورقه و فضل يضحكها و قالها متزعليش اكيد حاجه مهمه في شغلوا و تاني يوم لما انت صالحتها هو عادي قالها تامر لقي الورقه قالتلوا اه و جالي الصبح صحاني و قالي انه لقاها وصللحني و كان طبيعي لانه راجل اضايق انك دخلت عليها الاوضه الصبح بس سكت و يوم ما جالكم المحل باماره الموبايل اللي خدته منك و فضلتوا تهزروا و تحاول تاخده منها سلامه شاف ان قربك ليها و لمستك ليها بالشكل ده ضايقته حقه ما اهو مهما كنت بتتعامل علي امك اخوها بس انت في النهايه ابن خالتها و تجوزلها و كان طبيعي يتعصب و يضايق و يغير و بان عليه و لما ايه حست ان في حاجه مضيقاه بعد ما انت مشيت فضلت تسألوا من كتر ضغطها عليه قالها السبب اللي مضايقه و طلب منها تحط حدود في الهزار بينها و بينك من غير ما تقولك او تجرحك كملت بدموع بس ايه متقبلتش كلام سلامه و شافت انه بيبالغ و بيتخطي حدوده معاها رفضت كلامه و تاني يوم اتصلت عليه و طلبت انه يروحلها عارف ايه عملت ايه يا تامر